Альбер Гіём

Альбер Гіём
фр.: Albert Guillaume
Род дзейнасці	мастак, cartoonist, мастак-плакатыст, карыкатурыст, дызайнер, дзеяч выяўленчага мастацтва
Дата нараджэння	14 лютага 1873(1873-02-14)[…]
Месца нараджэння	Парыж, Парыж, рэгіён Іль-дэ-Франс, Метраполія Францыі, Францыя
Дата смерці	10 жніўня 1942(1942-08-10) (69 гадоў)
Месца смерці	Фо[d], Ісіжак[d], Бержэрак[d], дэпартамент Дардонь, рэгіён Аквітанія, Метраполія Францыі, Францыя
Грамадзянства	Францыя
Бацька	Edmond Guillaume[d]
Альма-матар	Нацыянальная вышэйшая школа прыгожых мастацтваў
Медыяфайлы на Вікісховішчы
Творы ў Вікікрыніцах

Альбер Гіём (фр. Albert Guillaume; 14 лютага 1873, Парыж — 10 жніўня 1942, Фо) — французскі мастак, карыкатурыст, ілюстратар, майстар плаката.

Біяграфія

Нарадзіўся ў сям’і архітэктара Эдмона Гіёма. Уплыў на яго творчасць аказаў Жуль Шэрэ, якога часта называюць «бацькам сучаснага плаката».

Гіём стварыў шэраг тэатральных афіш, рэкламных плакатаў і шчытоў. Яго творы каштоўныя, у першую чаргу, як ілюстрацыя жыцця французаў падчас Выдатнай эпохі, залатога веку ў Еўропе, якая працягнулася з канца XIX стагоддзі да Першай сусветнай вайны.

Сваю папулярнасць ён набыў таксама дзякуючы сатырычным малюнкам і карыкатурам, якія публікаваліся ў парыжскіх гумарыстычных часопісах, такіх як Le Figaro Illustré, Gil Blas, Le Rire, L’Assiette au Beurre і інш. Гэтыя часопісы ўзніклі як рэакцыя на ўзрослую цікавасць парыжан да мастацтва, культуры і палітыкі.

У сваіх працах Гіём высмейваў слабасці і недахопы французскага грамадства, карупцыю і злоўжыванні. Сёння яго плакаты па-ранейшаму застаюцца папулярнымі, асабліва ў якасці ўпрыгожвання для рэстаранаў і бараў.

Памёр у маленькай вёсцы Фо дэпартамента Дардонь.