Анджэй Мунк

Анджэй Мунк
Andrzej Munk
Імя пры нараджэнні	Andrzej Munk
Дата нараджэння	16 кастрычніка 1921(1921-10-16)
Месца нараджэння	Кракаў, Польшча
Дата смерці	20 верасня 1961(1961-09-20) (39 гадоў)
Месца смерці	Ловіч, Польшча
Месца пахавання	Вайсковыя могілкі Павонзкі[d]
Грамадзянства	Польшча
Адукацыя	Кінашкола ў Лодзі[d]
Месца працы	Варшаўская палітэхніка
Прафесія	Кінарэжысёр
IMDb	0612914
Медыяфайлы на Вікісховішчы

Анджэй Мунк (польск.: Andrzej Munk; 16 кастрычніка 1921, Кракаў — 20 верасня 1961, пад Ловічам) — польскі кінарэжысёр. Адзін з найбольш яскравых прадстаўнікоў так званай польскай школы кінематаграфіі 1955—1963 гадоў.

Біяграфія

Удзельнік Варшаўскага паўстання. Вучыўся на аддзяленні архітэктуры Варшаўскага політэхнічнага інстытута і юрыдычным факультэце Варшаўскага ўніверсітэта. У 1951 г. скончыў аператарскае і рэжысёрскае аддзяленне Дзяржаўнай вышэйшай кінашколы ў Лодзі. Член ПАРП з 1948 г., выключаны ў 1952 г.

Творчая дзейнасць

Пачынаў як дакументаліст (фільмы «Накірунак — Новая Гута», «Слова чыгуначнікаў», «Зоркі павінны гарэць»). Зняў чатыры мастацкія фільмы, галоўным чынам па сцэнарыях Ежы Стэфана Ставінскага («Блакітны крыж», «Чалавек на рэйках», «Эроіка», «Касавокае шчасце»). У 1957—1961 гадах выкладаў у кінашколе ў Лодзі. Загінуў у аўтакатастрофе па дарозе на здымкі фільма «Пасажырка» ў 1961 годзе. Фільм быў завершаны Вітольдам Лясевічам.

Фільмаграфія

• «Блакітны крыж» (1955)
• «Чалавек на рэйках» (1957)
• «Eroica» (1958)
• «Касавокае шчасце» (у савецкім пракаце «Шэсць ператварэнняў Яна Пішчыка», 1959)
• «Пасажырка» (1964; скончаны В. Лесевічам)

Прэміі і ўзнагароды

Прэміі міжнародных кінафестываляў у Венецыі (1955, 1958, 1964), Карлавых Варах (1957), Канах (1964). Дзяржаўная прэмія Польшчы 1954.

Літаратура

• Мунк // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• Перадача польскага радыё, прысвечаная творчасці Мунка
• (польск.) Падрабязная біяграфія і фільмаграфія