Лінкальншыр

Лінкальншыр
Lincolnshire
Сцяг
Краіна	Вялікабрытанія
Статус	Цырыманіяльнае графства  неметрапольнае графства
Уваходзіць у	рэгіён Іст-Мідлендс
Уключае	7 раёнаў і 2 унітарныя адзінкі
Адміністрацыйны цэнтр	Лінкальн
Насельніцтва (2004)	988 тыс.*/674 тыс. (19-е*/15-е месца)
Шчыльнасць	142 чал./км²
Плошча	6959 км²*/5921 (2-е*/4-е месца)
Код ISO 3166-2	GB-LIN
Афіцыйны сайт
Заўвагі: * Паказаны два значэнні: агульнае і для адміністрацыйнай вобласці
Медыяфайлы на Вікісховішчы

Лінкальншыр (англ.: Lincolnshire) — графства на ўсходзе Англіі, ля берагоў Паўночнага мора. Часткова ўваходзіць у склад рэгіёна Іст-Мідлендс, часткова — у Іаркшыр і Хамбер.

Сталіца і найбуйнейшы горад — Лінкальн. Насельніцтва 674 тыс. чалавек (15-е месца сярод графстваў; звесткі 2004 года).

Геаграфія

Агульная плошча тэрыторыі цырыманіяльнага графства — 6 959 км²; тэрыторыя неметрапольнага графства без унітарных адзінак Паўночны Лінкальншыр і Паўночна-Усходні Лінкальншыр — 5 921 км². Абмываецца на ўсходзе Паўночным морам, мяжуе на паўднёвым усходзе з Норфалкам, на поўдні з Кембрыджшырам, на паўднёвым захадзе з Ратлендам і Лестэршырам, на захадзе з Нотынгемшырам, на паўночным захадзе з Паўднёвым Іаркшырам, на поўначы з Усходнім Іаркшырам.

Гісторыя

Раней падзяляўся на 3 адміністрацыйныя часткі: Холенд, Кестывен і Ліндсі. У 1971 г. насельніцтва было 808,3 тыс. чалавек.

Адміністрацыйны падзел

У складзе графства вылучана 7 адміністрацыйных раёнаў неметрапольнага графства і 2 унітарныя адзінкі.

Лінкальн Паўночны Кестывен Паўднёвы Кестывен Паўднёвы Холенд Бостан Усходні Ліндсі Заходні Ліндсі Паўночны Лінкальншыр (унітарная адзінка) Паўночна-усходні Лінкальншыр (унітарная адзінка)

Эканоміка

Лінкальншыр — пераважна аграрная тэрыторыя з пераважным значэннем раслінаводства, які спалучаецца з жывёлагадоўляй. Здабыча жалезнай руды (раён Фродынгема). Харчовая прамысловасць, сельскагаспадарчае машынабудаванне (Лінкальн і Бостан), металургія (Скантарп), нафтахімія (Імінгем). Буйны рыбалоўны порт — Грэйт-Грымсбі.

Славутасці

• Бельтан-хаус
• Замак Татэршэл

Цікавыя факты

• Горад Бостан у Лінкальншыры з'яўляецца правобразам выдуманага гарадка Флэксбара з серыі сатырычна-дэтэктыўных раманаў Коліна Уотсана.

Спасылкі

• Lincolnshire web Архівавана 31 снежня 2005.
• Lincolnshire County Council website
• Visitlincolnshire.com
• Official Lincolnshire Flag site Архівавана 10 жніўня 2018.
• Lincolnshire Life magazine