Маскоўская вобласць

Маскоўская вобласць
Герб Сцяг
Краіна	Расія
Уваходзіць у	Расія (1991—?)
Адміністрацыйны цэнтр	Краснагорск
Дата ўтварэння	14 студзеня 1929
Кіраўнік	Андрэй Юр’евіч Вараб’ёў[d]
Насельніцтва	▲8 594 454 чал. (1 студзеня 2023)
Плошча	45 800 км²
Часавы пояс	MSD, Еўропа/Масква[d] і UTC+03:00
Код ISO 3166-2	RU-MOS
Тэлефонны код	495, 496 і 498
Код аўтам. нумароў	50, 90, 150, 190 і 750
Афіцыйны сайт (руск.)
Медыяфайлы на Вікісховішчы

Маскоўская вобласць (руск.: Московская область) — суб’ект Расійскай Федэрацыі, знаходзіцца ў цэнтры Рускай раўніны, у міжрэччы Акі і Волгі, паміж 54° і 57° паўночнай шыраты і паміж 35° і 40° усходняй даўгаты.

Гістарычна вобласці папярэднічала Маскоўская губерня, заснаваная Пятром I у 1708 г. Вобласць была створана 14 студзеня 1929 г., падчас ператварэнняў адміністрацыйнай сістэмы краіны.

Рэльеф раўнінны, з поўначы і захаду — Смаленска-Маскоўскае ўзвышша, на ўсходзе — Мяшчорская нізіна. Мяжуе на паўночным захадзе і на поўначы з Цвярской вобласцю, на поўначы — з Яраслаўскай, на паўночным усходзе і на ўсходзе — з Уладзімірскай, на паўднёвым усходзе — з Разанскай, на поўдні — з Тульскай, на паўднёвым захадзе — з Калужскай, на захадзе — са Смаленскай абласцямі.

Адміністрацыйны цэнтр — горад Масква, які адначасова з’яўляецца і самастойным суб’ектам Расійскай Федэрацыі.

Насельніцтва

Агульная колькасць насельніцтва — 6 628 100 чал. (2006). Большую частку насельніцтва Маскоўскай вобласці (звыш 90 %) складаюць рускія. Сярэдняя шчыльнасць насельніцтва — 144,1 чал./км² (2005) — самая вялікая сярод расійскіх рэгіёнаў, што абумоўлена высокай доляй гарадскога насельніцтва — 80,5 % (2005). Найбольшая шчыльнасць у найбліжэйшых да Масквы раёнах (Любярэцкім, Балашыхінскім, Хімкінскім, Краснагорскім і інш.), найменшая — ва ўскраінных раёнах — Латошынскім, Шахоўскім, Мажайскім, дзе яна складае каля 20 чал./км²; рэдка заселеная таксама ўсходняя частка Мяшчэрскай нізіны (меней 20 чал./км²).

Нацыянальны склад: рускія (90,87 %), украінцы (2,23 %), татары (0,80 %), беларусы (0,64 %) і іншыя

Падзяляецца на 36 раёнаў. Буйнейшыя гарады: Балашыха, Падольск, Хімкі, Каралёў, Мыцішчы, Люберцы.

Вядомыя асобы

• Сямён Фарада
• Уладзімір Георгіевіч Сарокін
• Міхаіл Яўграфавіч Салтыкоў-Шчадрын
• Сава Цімафеевіч Марозаў
• Анатоль Канстанцінавіч Сульянаў
• Міхаіл Ціханавіч Кузняцоў (1925—1944) — Герой Савецкага Саюза
• Іван Мікалаевіч Зубачоў — адзін з кіраўнікоў абароны Брэсцкай крэпасці

Гл. таксама

• Абухава
• Вярэя
• Тайнінскае
• Арэхава-Зуева

Спасылкі

• На Вікісховішчы ёсць медыяфайлы па тэме Маскоўская вобласць
• Афіцыйны сайт