Міхась Ярош

Міхась Ярош
Асабістыя звесткі
Імя пры нараджэнні	Міхаіл Рыгоравіч Ярош
Дата нараджэння	10 студзеня 1929(1929-01-10)
Месца нараджэння	Межная Слабада, Нясвіжскі павет, Навагрудскае ваяводства, Польская Рэспубліка
Дата смерці	10 ліпеня 1987(1987-07-10) (58 гадоў)
Грамадзянства	СССР
Альма-матар	філалагічны факультэт БДУ
Прафесійная дзейнасць
Род дзейнасці	пісьменнік, крытык, літаратуразнавец
Мова твораў	беларуская
Дэбют	1955
Прэміі	Дзяржаўная прэмія БССР імя Я. Коласа (1980)

Міхась Ярош (10 студзеня 1929, вёска Межная Слабада, Клецкі раён, Мінская вобласць — 10 ліпеня 1987) — беларускі крытык і літаратуразнаўца.

Біяграфія

Нарадзіўся 10 студзеня 1929 года ў вёсцы Межная Слабада ў сялянскай сям’і. У 1948 годзе скончыў філалагічны факультэт БДУ. У 1953—1956 гг. вучыўся ў аспірантуры пры Інстытуце літаратуры імя Янкі Купалы АН БССР. У 1956—1987 гг. працаваў навуковым супрацоўнікам гэтага інстытута. Кандыдат філалагічных навук. Член Саюза пісьменнікаў СССР з 1968 года. Памёр 10 ліпеня 1987 года.

Творчасць

Друкавацца пачаў з 1955 года. Выступаў як крытык і літаратуразнаўца. Аўтар кніг «Драматургія Янкі Купалы» (1959), «Міхась Чарот: Нарыс жыцця і творчасці» (1963), «Янка Купала і беларуская паэзія» (1971), «Беларуская савецкая лірыка» (з В.Бечыкам, 1979), «Пятрусь Броўка» (1981), «Пясняр роднай зямлі: Жыццё і творчасць Янкі Купалы» (1982), «Янка Купала і Якуб Колас: Параўнальны аналіз жыцця і творчасці» (1988), брашур «Міхась Чарот» (1966), «Пятрусь Броўка» (1975), «Янка Купала і современность» (1981), «В памяти народной» (1982). З’яўляецца адным з аўтараў двухтомнай «Гісторыі беларускай савецкай літаратуры» (1964—1966), «Гісторыі беларускай дакастрычніцкай літаратуры» (1969), «Истории советской многонациональной литературы» (Масква, 1972), «Истории белорусской дооктябрьской литературы» і «Истории белорусской советской литературы» (1977).

Лаўрэат Дзяржаўнай прэміі БССР імя Якуба Коласа за ўдзел у двухтомным даследаванні «История белорусской дооктябрьской литературы» і «История белорусской советской литературы».

Спасылкі

• Ярош Міхась (Міхаіл Рыгоравіч) на сайце анлайн-энцыклапедыі «Беларусь у асобах і падзеях»