Олдржых Гуер

Олдржых Гуер
чэшск.: Oldřich Hujer
Дата нараджэння	25 лістапада 1880(1880-11-25)[…]
Месца нараджэння	Пацэршыц[d], Каралеўства Багемія, Цыслейтанія, Аўстра-Венгрыя[…]
Дата смерці	4 чэрвеня 1942(1942-06-04)[…] (61 год)
Месца смерці	Стара-Места, Прага 1, Прага, Пратэктарат Багеміі і Маравіі
Месца пахавання	Вышаградскія могілкі
Грамадзянства	Аўстра-Венгрыя  Чэхаславакія
Род дзейнасці	выкладчык універсітэта, мовазнавец, дэкан, філолаг, настаўнік
Навуковая сфера	лінгвістыка
Месца працы	факультэт мастацтваў Карлавага ўніверсітэта ў Празе[d]
Альма-матар	факультэт мастацтваў Карлавага ўніверсітэта ў Празе[d]
Навуковы кіраўнік	Ёзеф Зубаты Ян Гебаўэр
Член у	Сербская акадэмія навук і мастацтваў
Медыяфайлы на Вікісховішчы

О́лдржых Гу́ер (чэшск.: Oldřich Hujer; 25 лістапада 1880, Пацэржыцэ-у-Турнава — 4 чэрвеня 1942, Прага) — чэшскі мовазнавец.

Біяграфія

Пасля сканчэння пржыбрамскай гімназіі вучыўся на філасофскім факультэце Пражскага ўніверсітэта, па профілі індаеўрапейскага мовазнаўства. У 1905 годзе атрымаў ступень доктара філасофіі па профілі санскрыту, Авесты і літаратуры на санскрыце пад кіраўніцтвам праф. Ё. Зубатага. Пасля кароткай працы ў гімназіях Часлава і Прага-Вінаградскай перайшоў у Карлаў універсітэт на пасаду дацэнта (1911), экстраардынарнага (1919), ардынарнага (1924) прафесара, стаў пераемнікам праф. Ё. Зубатага. Член Чэшскага каралеўскага навуковага таварыства, Чэшскай акадэміі навук і мастацтваў (1924), ганаровы член Лонданскага філалагічнага таварыства.

Навуковая дзейнасць

Даследаваў славянскае мовазнаўства і гісторыю чэшскай мовы дапісьмовага перыяду: «Славянскае іменнае скланенне» (1910), «Развіццё чэхаславацкай мовы» (1934). У працы «Уводзіны ў гісторыю чэшскай мовы» (3-е выд., 1946) разглядаў праблемы адносін славянскіх моў да балцкіх, працэс вылучэння праславянскай мовы з індаеўрапейскай, асноўныя рысы фанетыкі, граматыкі і слоўнікавага складу агульнаіндаеўрапейскай мовы. Адзін з заснавальнікаў (1922) і рэдактараў часопіса «Slavia» («Славія»).

На высновы праф. Гуера пра асобнае паходжанне беларускай мовы непасрэдна ад протаславянскай мовы спасылаўся Ян Станкевіч.

Творы

• «D.-č./sb.»: Des recherches tchèques sur la linguistique comparée ainsi que sur la philologie hindoue et orientale, in: Revue des travaux scientifiques tchécoslovaques, Section Ière, Praha 1919: 115—122.

Літаратура

• Гуер Олдржых. Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
• Soupis prací Oldřicha Hujera k jeho šedesátinám v listopadu 1940, Praha 1940, 43 s.

Спасылкі

• На Вікісховішчы ёсць медыяфайлы па тэме Олдржых Гуер
• [mk?]. Hujer // KDO BYL KDO. Čeští a slovenští orientalisté, afrikanisté a iberoamerikanisté. — [1] Архівавана 7 красавіка 2020..