Павел Алегавіч Булатнікаў

Павел Булатнікаў
Канцэрт «20 гадоў Рунэту» ў «Arena Moscow», 7 красавіка 2014 года.
Асноўная інфармацыя
Поўнае імя	Павел Алегавіч Булатнікаў
Дата нараджэння	27 чэрвеня 1972
Месца нараджэння	Арэнбург, Арэнбургская вобласць, РСФСР, СССР
Краіна	Беларусь
Альма-матар	Беларускі дзяржаўны ўніверсітэт культуры і мастацтваў
Музычная дзейнасць
Прафесіі	Спявак
Гады актыўнасці	1989-па сённяшні дзень
Інструменты	Гітара, маракасы, перкусія
Жанры	Ска-панк, панк, рэгі
Калектывы	Trubetskoy Ляпіс Трубяцкі Bad Informers Дуэт «Лицей»
Лэйблы	Нікіцін, Саюз, Дзеці Сонца
lyapis.com
Медыяфайлы на Вікісховішчы

Павел Алегавіч Булатнікаў (нарадзіўся 27 чэрвеня 1972 года) — да 2014 года вакаліст і перкусіяніст мінскага гурта «Ляпіс Трубяцкі». Па распадзе гурта ў верасні 2014 года ўвайшоў у склад новага гурта Trubetskoy, які выконвае ў тым ліку і песні гурта «Ляпіс Трубяцкі».

Біяграфія

З 1987 па 1990 год — студэнт Мінскай культурна-асветніцкай вучэльні. З 1989 года ў якасці вакаліста ўдзельнічаў у гуртах «Лицей» (не блытаць з аднайменным расійским поп-гуртом) і «Bad Informers». Візітнай карткай Паўла ў той перыяд часу (1989—1995) былі вельмі доўгія валасы і велізарныя завушніцы.

У 1990 годзе паступіў у Інстытут культуры ў Мінску, дзе пазнаёміўся з Сяргеем Міхалком. У 1995 годзе скончыў інстытут. Увосень 1997 года быў запрошаны ў гурт «Ляпіс Трубяцкі» на ролю другога вакаліста. Першай песняй, выкананай Паўлам на канцэрце «Ляпісаў», стала «Почему любовь уходит». У ранніх кліпах («Ау», «В платье белом», «Ты кинула», «Сочи») Павел грае ролю гітарыста гурта, хаця ў запісе альбома «Ты кинула» ён удзелу не прымаў. За шмат гадоў удзелу ў гурце «Ляпіс Трубяцкі» Булатнікаў не зграў ніводнай ноты на гітары, хоць граць на акустычнай гітары Павел умее.

Жанаты. Выхоўвае дачку.

Літаратура

• Д.П. БУЛАТНІКАЎ ПАВЕЛ (Булатников Павел, Bulatnikov Pavel) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 45. — 368 с. — 2 000 экз. — ISBN 978-985-6783-42-8.

Спасылкі

• Біяграфія на афіцыйным сайце «Ляпіс Трубяцкі»