Томас Іаган Зеебек

Томас Іаган Зеебек
ням.: Thomas Johann Seebeck
Томас Іаган Зеебек
Дата нараджэння	29 сакавіка (9 красавіка) 1770
Месца нараджэння	Рэвель, Расійская імперыя
Дата смерці	10 снежня 1831(1831-12-10) (61 год)
Месца смерці	Берлін, правінцыя Брандэнбург, Каралеўства Прусія
Грамадзянства	Расійская імперыя
Бацька	Johann Christoph Seebeck[d]
Дзеці	August Seebeck[d]
Род дзейнасці	фізік
Навуковая сфера	фізіка
Альма-матар	Гімназія Густава Адольфа Гётынгенскі ўніверсітэт
Член у	Пруская акадэмія навук Леапальдзіна Баварская акадэмія навук
Узнагароды	галоўная прэмія матэматычных навук[d] (1816)
Медыяфайлы на Вікісховішчы

Томас Іаган Зеебек (ням.: Thomas Johann Seebeck; 9 красавіка 1770, Талін — 10 снежня 1831, Берлін) — нямецкі фізік.

Біяграфія

Атрымаў медыцынскую адукацыю, жыў як прыватная асоба ў Іене, Байрэйце і Нюрнбергу, у 1818 пасяліўся ў Берліне, дзе быў абраны членам Акадэміі навук. Зеебек зрабіў некалькі адкрыццяў у оптыцы (каляровыя з'явы палярызацыі ў адна-і двухвосных крышталях, адкрытыя адначасова французскім фізікам Біё, а раней - Брустэрам у 1813 і Валастанам у 1814), акустыцы, у вучэнні аб цеплыні (размеркаванне цеплавых промняў у сонечным спектры), але асабліва - у галіне электрычнасці (адкрыццё ў 1821 тэрмаэлектрычных токаў; папярочнае намагнічванне). Зеебек шмат працаваў над вывучэннем хімічнага дзеяння святла і адкрыў, што гэта дзеянне не заканчваецца адразу па спыненні святла, але працягваецца і ў цемры вельмі доўгі час. Акрамя таго, Зеебек даў доследнае пацверджанне закону Брустэра пра сувязь паказчыка праламлення цела з вуглом поўнай палярызацыі.

У 1821 годзе адкрыў спосаб ахаладжэння рэчыва з дапамогай электрычнасці, названы яго імем. У 1822 годзе ён апублікаваў вынікі сваіх доследаў у артыкуле "Да пытання аб магнітнай палярызацыі некаторых металаў і руд, якая ўзнікае ва ўмовах рознасці тэмператур", апублікаваны ў дакладах Прускай акадэміі навук. У 1834 годзе быў адкрыты эфект Пельцье, адваротны эфекту Зеебека.

Гл. таксама

• Эфект Зеебека

Літаратура

• Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1999. — 608 с.: іл. ISBN 985-11-0279-2

Спасылкі

• Гісторыя адкрыцця тэрмаэлектрычнага эфекту Архівавана 19 ліпеня 2009.
• Эфект Зеебека на відэа