Gmail

Gmail
URL	mail.google.com (англ.)
Камерцыйны	Так
Тып сайта	сэрвіс электроннай пошты[d], сістэма электроннай пошты[d], анлайн-сэрвіс[d] і webmail[d]
Рэгістрацыя	Абавязковая
Мова(-ы)	некалькі моў[d]
Мова праграмавання	JavaScript
Уладальнік	Google
Пачатак працы	1 красавіка 2004
Бягучы статус	Актыўны
Медыяфайлы на Вікісховішчы

Gmail — бясплатны сэрвіс электроннай пошты ад Google. У першую чаргу, арыентаваны на працу праз браўзер, але таксама падтрымлівае пратаколы IMAP і POP3. Фінансава праект падтрымліваецца праз рэкламу, якая паказваецца на старонках веб-інтэрфейса. У Вялікабрытаніі і Германіі афіцыйная назва сэрвіса — Google Mail.

Gmail пачаў сваю працу 1 красавіка 2004 года ў якасці бэта-рэліза, рэгістрацыя працавала толькі праз запрашэнні. Мажлівасць атрымаць сваю скрыню з’явілася толькі 7 лютага 2007 года. Паводле стану на студзень 2019 года, Gmail кожны месяц карыстаюцца 2 мільярда людзей.

Пры запуску ў 2004 годзе Gmail прапанаваў 1 ГБ дыскавай прасторы для кожнага карыстальніка — значна больш, чым прапаноўвалі яго канкурэнты ў той час (ў большасці выпадкаў 2—4 мегабайты). Станам на 2023 год сэрвіс прапануе 15 ГБ бясплатнага сховішча для кожнага карыстальніка, якое падзелена паміж іншымі службамі Google, такімі як Google Drive і Google Photos.

Інтэрфейс Gmail арыентаваны на камфортны пошук інфармацыі ў прасторы карыстальніка, а выгляд перапіскі больш падобны да інтэрнэт-форуму ці нават рэха-канферэнцыі. Gmail таксама з’яўляецца яскравым прыкладам выкарыстання Ajax-тэхналогій.

Гл. таксама

• Google Talk

Спасылкі

• Служба Gmail
• Правілы выкарыстання паштовай скрыні Gmail (англ.)