Location via proxy:   [ UP ]  
[Report a bug]   [Manage cookies]                
Перайсці да зместу

TED (канферэнцыя)

З Вікіпедыі, свабоднай энцыклапедыі
Лагатып фонду
Куратар TED Крыс Андэрсан
Саманта Паўэр выступае на канферэнцыі 2008 года

TED (абрэвіятура ад англ.: Technology Entertainment Design; Тэхналогіі, забавы, дызайн) — прыватны некамерцыйны фонд у ЗША, вядомы першым чынам сваімі штогадовымі канферэнцыямі, якія праводзяцца з 1984 года ў Мантэрэі (Каліфорнія, ЗША). З 2009 года праходзіць у Лонг-Бізун (Каліфорнія, ЗША).

Місія канферэнцыі складаецца ў распаўсюдзе ўнікальных ідэй («ideas worth spreading»), абраныя лекцыі даступныя на вэб-сайце канферэнцыі. Тэмы лекцый разнастайныя: навука, мастацтва, дызайн, палітыка, культура, бізнес, глабальныя праблемы, тэхналогіі і забавы. У спіс выступоўцаў[1][2] патрапілі такія вядомыя асобы, як былы прэзідэнт ЗША Біл Клінтан[3], Нобелеўскія лаўрэаты Джэймс Уотсан[4], Мюрэй Гел-Ман[5], а таксама заснавальнік Вікіпедыі Джымі Вэйлз[6].

Куратар канферэнцыі і яе сталы вядучы — Крыс Андэрсан.

Гісторыя

[правіць | правіць зыходнік]
TEDxParis, 2009 год — адно з мерапрыемстваў, якія праводзяцца па праграме TEDx
Выступае лаўрэат прэміі TED 2007 года Біл Клінтан

Упершыню канферэнцыя TED прайшла ў 1984 годзе. Яе арганізатарамі сталі Рычард Сол Вурмен і Гары Маркс. На ёй былі прадстаўлены толькі што выпушчаны камп’ютар Macintosh, створаны кампаніяй Sony кампакт-дыск. Матэматык Бенуа Мандэльброт прадэманстраваў практычнае ўжыванне створанай ім тэорыі фракталаў, спецыяліст па штучнаму інтэлекту Марвін Мінскі растлумачыў новую мадэль розума.

З 1990 года канферэнцыя праводзіцца штогод. З 2001 года правы на правядзенне TED належаць Sapling Foundation і стваральніку гэтага фонду Крысу Андэрсану.

TED Talks

[правіць | правіць зыходнік]

Кожны выступ (лекцыя) на канферэнцыі TED завецца TED Talk. Відэазапісы выступаў публікуюцца на сайце TED.com. Іх можна бясплатна прагледзець на сайце, запампаваць на свой камп’ютар у HD-якасці ці падпісацца на відэа-падкаст. Таксама відэазапісы даступныя і праз YouTube.

Для iPhone і Android-прылад даступныя як афіцыйныя, так і неафіцыйныя натыўныя праграмы. Хоць праграма пакуль не мае беларускай лакалізацыі, у яе простая навігацыя, дазваляе праглядаць запісы выступаў з субтытрамі на розных мовах і слухаць інтэрнэт радыё TED. З 2009 года TED-відэападкасты даступныя для бясплатнага спампоўвання ў інтэрнэт-краме Ovi/Ovi Store Архівавана 8 сакавіка 2015. (інтэрнэт-сэрвіс Nokia).

На даны момант у анлайн-рэжыме даступна больш за 400 відэазапісаў, якія былі прагледжаны больш за 100 млн раз аўдыторыяй звыш за 15 млн чалавек (паводле даных на красавік 2009 года).

У рамках TED Open Translation Project больш за 8000 валанцёраў перакладаюць выступы на некалькі дзясяткаў моў. На кастрычнік 2012 года перакладзена каля 32 тысяч выступаў. Пераклады даступныя ў фармаце субтытраў.

TED Prize

[правіць | правіць зыходнік]

TED Prize — прэмія TED, якая прысуджаецца з 2005 года. У першыя часы штогод прысуджаліся тры прэміі па $100 000 за «жаданне змяніць свет» (wish to change the world).[7]

Пачынаючы ад 2010 года прысуджаецца толькі адна прэмія.[8]

TEDx

[правіць | правіць зыходнік]

TEDx з’яўляецца праектам TED, якія дазваляюць асобным людзям ці групам людзей у розных краінах, гарадах, універсітэтах, супольнасцях арганізаваць незалежныя канферэнцыі ў стылі TED. Канферэнцыя TEDx з’яўляецца незалежным мерапрыемствам, якія праводзяцца па ліцэнзіі TED.

Спіс канферэнцый TEDx у Беларусі

[правіць | правіць зыходнік]

Гісторыя TEDx у Беларусі пачынаецца ў 2009 годзе. Тым часам была атрымана ліцэнзія на правядзенне TEDxMinsk. За 5 гадоў было праведзена 7 лакальных падзей TEDx. У снежні 2013 года прайшоў першы «жывы» TEDxMinsk з беларускімі спікерамі. Мерапрыемства наведала 100 чалавек, відэа-выступу прагледзела больш за 10 тысяч чалавек. Некалькі TEDxYouth былі праведзены ў Гродна. У верасні 2016 у Магілёве прайшла канферэнцыя TEDxMahilyow[17].

Спіс канферэнцый TEDx у Беларусі

Цікавыя факты

[правіць | правіць зыходнік]
  • Пры стварэнні фільма Праметэй быў зроблены ролік пра выступ Пітара Вейланда (кіраўніка кампаніі «Вейланд-Ютані») на гэтай канферэнцыі ў 2023 годзе. Гэтая сцэна з арыгінальнага фільма была выдалена і прадстаўлена пазней у якасці дадатковага матэрыялу.

Гл. таксама

[правіць | правіць зыходнік]

Крыніцы

[правіць | правіць зыходнік]
  1. ↑ Speakers
  2. ↑ Speakers A-Z list Архівавана 8 жніўня 2008.
  3. ↑ TED | Speakers | Bill Clinton
  4. ↑ TED Speakers James Watson: Biologist, Nobel laureate
  5. ↑ TED Speakers Murray Gell-Mann: Physicist, Nobel laureate
  6. ↑ TED Speakers Jimmy Wales: Founder of Wikipedia
  7. ↑ TED 2008 / Day 2: Dave Eggers and Tutoring, Neil Turok and the next African Einstein, Karen Armstrong and the Charter for Compassion (англ.) (28 лютага 2008). Архівавана з першакрыніцы 18 жніўня 2012. Праверана 10 жніўня 2012.
  8. ↑ TED Blog: TED Prize winner announced! Архівавана 26 ліпеня 2010.
  9. ↑ TED Prize 2005(недаступная спасылка). TEDPrize.org. Архівавана з першакрыніцы 16 сакавіка 2012. Праверана 30 лістапада 2008.
  10. ↑ TED Prize 2006(недаступная спасылка). TEDPrize.org. Архівавана з першакрыніцы 16 сакавіка 2012. Праверана 30 лістапада 2008.
  11. ↑ TED Prize 2007(недаступная спасылка). TEDPrize.org. Архівавана з першакрыніцы 16 сакавіка 2012. Праверана 30 лістапада 2008.
  12. ↑ TED Prize 2008. TEDPrize.org. Архівавана з першакрыніцы 16 сакавіка 2012. Праверана 30 лістапада 2008.
  13. ↑ TED Prize 2009(недаступная спасылка). TEDPrize.org. Архівавана з першакрыніцы 16 сакавіка 2012. Праверана 30 лістапада 2008.
  14. ↑ TED Prize 2010(недаступная спасылка). TEDPrize.org. Архівавана з першакрыніцы 16 сакавіка 2012. Праверана 21 снежня 2009.
  15. ↑ TED Prize 2011(недаступная спасылка). Архівавана з першакрыніцы 18 жніўня 2012. Праверана 10 жніўня 2012.
  16. ↑ TED Prize 2012. Архівавана з першакрыніцы 18 жніўня 2012. Праверана 10 жніўня 2012.
  17. ↑ https://www.ted.com/tedx/events/19592

Літаратура

[правіць | правіць зыходнік]
  • Кармін Гала. Прэзентацыі ў стылі TED: 9 прыёмаў лепшых у свеце выступаў = Talk Like TED. The 9 Public-Speaking Secrets Of The World’s Top Minds. — М.: Альпіна Паблішэр, 2015. — 253 с. — ISBN 978-5-9614-4899-3.

Спасылкі

[правіць | правіць зыходнік]
commons: TED (канферэнцыя) на Вікісховішчы
Узята з "https://be.wikipedia.org/w/index.php?title=TED_(канферэнцыя)&oldid=4799828"