Cap waham
Cap waham (hurup Arab Gundul: چف وهم; Inggris: stereotype) ièlah banyak orang punya anggepan atawa kepercayaan pasal atu benda atawa kaum nyang berales deri pegimana dia ngiat luar, nyang bisa aja keliru atawa separo bener. Ngecap waham orang biasanya dianggep atu macem waham bahna pegimana orang nongol di lahirnya entu cuman sekelemit bagèan deri dia nyang sebenernya di batinnya. Sepegimana pendapetan laènnya nyang kaga' bener, cap waham bisa dipaké bakal jadi pelabi orang bakal ngebèda-bèdain orang laèn, atawa malah kadang bakal bodor-bodoran.