Pala
Pala (Myristica fragrans) ialah ngaran tanaman nang baasal matan kapulauan Banda, Maluku. Pala dipakai urang gasan rarampahan nang haraganya tinggi. Bagian buahnya nang dijual ialah buah, salut bigi duwa biginya nang dipardagangkan tumatan jaman Rumawi.
Parawakan
[babak | babak asal-mulanya]Buah pala bantukannya lunjung nangkaya limau limun, bakalir kuning, badagind wan babau khas marga baisi minyak atsiri di dagingnya. Lamun sudah masak, kulimbit buah duwa daginnya cagaran tabilak nang talihat biginya nang bakalir cuklat takalubut salut habang.[1]
Tanaman pala ngini tanaman nang lawas tumbuhnya sampai masa panin. Panin nang panambayan yaitu rahatan baumur 7-9 tahun imbah rapunnya ditanam wan pruduksi sampai ka umur 25 tahun haja. Rapunnya kawa tumbuh sampai 20 m wan umurnya sampai 100 tahun.[1]
Di masakan Indunisia, buah pala dipakai di macam-macam masakan, nangkaya di soto, konro, sup buntut, sup iga, bakso, wan sup kambing. Pala dipakai juwa dalam saus gasan bistik, semur, rolade wan bistik ilat.[1]
Jujuhutan
[babak | babak asal-mulanya]- ^ a b c RI, Kemdikbudristek. "Jalur Rempah Nusantara". jalurrempah.kemdikbud.go.id (dalam bahasa Indonesia). Diakses tanggal 2023-04-03.