Teké rumah

?Teké Rumah
	;
Klasifikasi ilmiah
Karajaan:	Animalia;
Filum:	Chordata;
Kelas:	Reptilia;
Ordo:	Squamata;
Upaordo:	Sauria;
Famili:	Gekkonidae;
Genus:	Gekko;
Spesies:	G. gecko;
Ngaran binomial
	Gekko gecko; (Linnaeus, 1758)

Teké adalah ngaran umum gasan manyambat cacak ganal. Ada babarapa janis Teké, tagal istilah Teké biasanya marujuk kapada janis Teké rumah barikut.

Teké rumah adalah sajanis reptil nang masuk ka dalam gulungan cacak ganal, suku Gekkonidae. Tokek rumah ba'isi ngaran ilmiah Gekko gecko (Linnaeus, 1758). Dalam bahasa lain binatang ini disambat sabagai téko atawa tekék (bahasa Jawa), tokék (bahasa Sunda), wan tokay gecko atawa tucktoo (bahasa Inggris).

Identifikasi

Cacak nang ba'ukuran ganal, bakapala ganal. Panjang total mandapati 340 mm, parak satangahnya adalah buntutnya.

Dorsal (sisi punggung) kasar, lawan banyak bintil ganal-ganal. Habuk kabiruan sampai kacuklatan, lawan bintik-bintik bawarna habang bata sampai jingga. Ventral (parut, sisi bawah awak) habuk biru kaputihan atawa kakuningan. Ikung mambulat, lawan anam baris bintil; babalang-balang.

Jari-jari batis hadapan wan balakang dilangkapi lawan bantalan pangisap nang disambat scansor, nang ba'andak di higa bawah jari. Gunanya gasan barikit di pamukaan nang lincar. Maka, tumat higa atas jari-jari, teké talihat pina balebar.

Ekologi, parangai dan penyebaran

Teké nang rancak didapati di puhun-puhun di tungkaran wan di rumah-rumah, tautama di padisaan wan pinggir hutan. Suara teritorialnya nang karas wan khas, tokke ... tokkee ..., manjadi dasar panyambatan ngarannya dalam babagai bahasa.

Teké rumah mamangsa bamacam sarangga, cacak lainnya nang tahalus, tikus halus dan mungkin jua burung halus. Nangkaya bangsa cacak lainnya, teké aktip bagarit tautama di malam hari. Bahanu Teké turun jua ka tanah gasan manyasah mangsanya. Di siang hari, tokek basambunyi di garuhang-garuhang kayu, luang batu, atawa di sala hatap rumah.

Barakas:G gecko E 060305 2588 cmpa ed resize.jpg

Hintalu Teké di halapat guha kapur.

Teké marikitkan hintalunya, nang biasanya bajumbelah sapasang dan baririkitan, di sala-sala garuhang puhun; ratakan batu; atawa mun di rumah, di balakang almari atawa di bawah hatap. Wadah bahintalu ini rancak jua diguna'akan ulih babarapa tokek sacara basasamaan. Hintalu mamacah limbah dua bulan labih.

Satua ini manyabak luas mulai tumatan di India timur, Nepal, Bangladesh, liwat Myanmar, Tiongkok selatan dan timur, Thailand, Samananjung Malaya wan pulau-pulau pintangannya, Sumatra, Jawa, Kalimantan, Sulawisi, Lombok, Flores, Timor, Aru dan Kapulauan Pilipina (Manthey & Grossmann, 1997: 232).

Juhutan

Manthey, U. & W. Grossmann, 1997, Amphibien und Reptilien Südostasiens. NTV Verlag, Münster.

Raraitan luar

(Bahasa Indonesia) Tokek rumah bisa membawa kekayaan Archived 2010-11-13 at the Wayback Machine