Sant-Sebastian-an-Enk

Sant-Sebastian-an-Enk
Monumant ar re varv hag iliz Sant Sebastian. Monumant ar re varv hag iliz Sant Sebastian.
Bro istorel	Bro Naoned
Melestradurezh
Departamant	Liger-Atlantel
Arondisamant	Naoned
Kanton	Sant-Sebastian-an-Enk (pennlec'h)
Kod kumun	44190
Kod post	44230
Maer Amzer gefridi	Laurent Turquois 2017-2020
Etrekumuniezh	Naoned Meurgêr
Lec'hienn Web	Ti-kêr
Poblañsouriezh
Poblañs	27 958 ann. (2020)
Stankter	2 400 ann./km²
Douaroniezh
Daveennoù lec'hiañ	47° 12′ 29″ Norzh 1° 30′ 05″ Kornôg
Uhelderioù	kreiz-kêr : 24 m bihanañ 2 m — brasañ 33 m
Gorread	11,65 km²
Sant-Sebastian-an-Enk

Ur gumun eus Breizh, e departamant al Liger-Atlantel eo Sant-Sebastian-an-Enk (Saint-Sébastien-sur-Loire e galleg), er gevred da gêr Naoned. 24726 den a zo enni ha dre-se eo 5vet kumun an departamant.

Istor

• Aigne (Enk) a oa an anv ar barrez er penn-kentañ, en XIII^vet kantved (etre 1179 ha 1286).

Er barrez e oa daou rann: rann (bremañ e Naoned) herberc’hti Sant Jakez, gant ur chapel, ha rann iliz Sant Sebastian. Abaoe ar XIV^vet kantved betek an XVIII^vet kantved (1792), ul lec’h pirc’hirinerezh a-enep d'ar vosenn a oa an iliz Sant Sebastian.

Dispac'h Gall

• Krouet e voe kumun Sant-Sebastian-an-Enk e 1790 diwar ar barrez katolik. Lakaet e voe da benn Kanton Sant-Sebastian hag e Bann Naoned. E 1800 e voe lakaet en Arondisamant Naoned. Lakaet e voe e Kanton Naoned-4 e 1801 .

XX^vet kantved

• Brezel-bed kentañ: 100 gwaz ag ar gumun a gollas o buhez abalamour d'ar brezel, d.l.e. 3,64 % eus he foblañs e 1911 .
• Eil brezel-bed: d'an 21 a viz Even 1940 e voe kaset d'an diaz ur c'harr-nij Potez 63-11 eus an aerlu gall (Armée de l'Air) gant ar "Flak" alaman e Sant-Sebastian-an-Enk; mervel a reas an tri nijour a oa en e vourzh .
• Lakaet e voe ar gumun e Kanton Naoned-10 e 1973.

XXI^vet kantved

• Gant an dekred eus ar 25 a viz C'hwevrer 2014 e voe krouet Kanton Sant-Sebastian-an-Enk en-dro, gant Sant-Sebastian-an-Enk en e benn.

Brezhoneg

• Kentelioù brezhoneg a vez kinniget d'an dud deuet abaoe 2001 gant ar gevredigezh Kentelioù an Noz.

Monumantoù ha traoù heverk

• Monumant ar re varv.

Douaroniezh

• Ar Goulen hag al Liger a gember e Sant-Sebastian.

Emdroadur ar boblañs abaoe 1962

Niver a annezidi

Tud

• Familh Lyrot de la Patouillère : en XVIII^vet kantved penn-tiegezh ar familh Lyrot a oa an aotrou e Sant-Sebastian (e La Patouillère, La Métairie hag all lec'hiou). Daou ezel eus ar familh zo dibar : François, jeneral en arme ar Vande e 1793 (aet d’an anaon e 1793) ; Philippe-Hervé, mab François, ofiser war vor, e gopr ar Republik.
• Pierre Cambronne: jeneral gall, ganet e Naoned d’ar 26 a viz Kerzu 1770 hag aet d’an anaon e Naoned d’ar 29 a viz Genver 1842.
  E Sant-Sebastian a oa tiez d’ar familh Cambronne ha da Bêr Cambronne (La Treille ; La Tullaye, bremañ d'ar c'huzul-kêr; La Baugerie, bremañ skolaj teknikel).

Ganedigezhioù

• 1809 : Élisa Mercoeur, barzhez.

Gevelliñ

Bro	Kêr	Abaoe
Kembre	Porthcawl	1999

Pennadoù kar

• Sebastian