Unan eus ar yezhoù komzet gant an Elfed e-barzh oberenn Tolkien eo ar c'hQuenya. Homañ a oa ar yezh implijet gant an Elfed na oan ket elfed telerin, elfed tizhet Valinor ganto, hag a zeue eus ur yezh koshoc'h, eldareg boutin hec'h anv, deuet eus ar c'hendieg kentañ. E-touez tri ziegezh an Elfed e rae div anezho - an noldor hag ar vanyar - gant rannyezhoù un tammig disheñvel an eil ouzh eben met pas a-walc'h da vezañ divarrek da gomprenn an eil egile. Implijet e voe ar yezh-se gant ar Valared ivez.
Ar c'h/Quenya ne oa ket ur yezh vev ken da vare an Trede Marevezh e Douar-ar-C'hreiz. Sindarin an hini a gomze darn vrasañ an Elfed tra ma rae mab-den gant ar Westron. Er skridoù ofisiel hag en anvioù-lec'h e veze implijet c'hoazh, avat, evel al latin e-pad ar Grennamzer
