Demokrasi

Sada adaboru mamasukkon surat sora i putaran padua pamilu presiden Perancis taon 2007.

Bagian tingon seri artikel tontang
Politik
Topik utamo Daftar artikel politik Ekonomi politik Filsafat politik Politik manurut negara Politik manurut pambagian negara Sejarah politik Sejarah politik dunia
Sistem politik Anarkis Demokrasi Direksional Ekonomi campuran Federasi Feodalisme Kapitalis Liberalis Kediktatoran Komunis Meritokrasi Monarki Negara-kota Parlementer Presidensial Semipresidensial Sosialis Teokrasi
Disipilin akademik Ilmu politik Elmuwan politik Hubungan internasional (teori) Politik parbandingan
Administrasi publik Birokrasi Birokrasi tingkat toru Adhockrasi
Kabijakan Kabijakan publik (Doktrin hukum) Kapontingan umum Kabijakan ruar negeri
Organ pamarentahan Panyarakan kakuasoan Pambagian kakuasoan Legislatif Eksekutif Yudikatif Komisi pamilian umum
Topik lain Kadaulatan Teori kalakuan politik Biologi dot orientasi politik
Subseri Pamilian umum Sistem pamilian umum Pamungutan sora Federalisme Bontuk pamarentahan Ideologi Kampanye politik Partai politik
Portal politik

Demokrasi bisa ipasadarhan "sian alak na bahat baen pakeob tu alak nabahat" ima sude warga negarana puna hak nasarupo i pambaenan kaputusan na bisa manguba ngolu nialai. Demokrasi mangizinkon warga negara marpartisipasi—bope sacara langsung sanga lewat parwakilan—i parumusan, pangembangan, dot pambaena uhum. Demokrasi mancakup kondisi sosial, ekonomi, dot budayo na mamungkinkon adongna praktik kabebasan politik sacara bebas dot setara.

Hata on marasal tingon saro Yunani

δημοκρατία

(

dēmokratía

) "kakuasoan rakyat", na tarbontuk tingon δῆμος (dêmos) "rakyat" dot κράτος (kratos) "Sinagogoan" sanga "kakuasoan" i abad pa-5 SM tu namandokon sistem politik negara-kota Yunani, sala sadana Athena; hata on ima antonim ni ἀριστοκρατία (aristocratie) "kakuasoan elit". Sacara teoretis, padua definisi on saling martontangan, tai kanyataanna madung inda jelas be. Sistem politik Athena Klasik, misalna, mangalehen kawarganegaraan demokratis tu alaklai elit na bebas dot inda padohit budak dot adaboru ina marpartisipasi politik. I sude pamerintahan demokrasi sapanjang sejarah kuno dot modern, kawarganegaraan demokratis totop ijuguki kaum elit sampe sude alak dewasa i ampir sude negara demokrasi modern botul-botul bebas sidung parjuangan gorakan hak sora i abad pa-19 dot 20. Hata demokrasi (democracy) i madung adong sian abad pa-16 dot marasal tingon saro Perancis Partongaan dot Latin Partongaan naonok.

Sada pamarentahan demokratis marbeda dohot bontuk pamerentahan na kakuasaanna itiop sada alak, songon monarki, sanga sakalompok menek, songon oligarki. Aha pe i, parbedaan-parbedaan ba marasal tingon filosofi Yunani on saonnari nida ambigu arani bahat pamarintahan kontemporer mancampur gaor elemen-elemen demokrasi, oligarki, dot monarki. Karl Popper mandefinision demokrasi manjadi sada na marbeda dohot kediktatoran sanga tirani, mambaen marfokus tu kasompatan tu rakyat tuna mangendalion par pamimpinnia dot manulingkon alai inda porlu mambaen revolusi.

Adong sadebana mocoman demokrasi, tai na adong dua bontuk dasor maia. Paduana manjelaskon cara sude rakyat mandalankon giotna. Bontuk demokrasi na parjolo ima demokrasi langsung, ima sude warga negara marpartisipasi langsung dot aktif i mambaen kaputusan pamarintahan. I bahat negara demokrasi modern, sude rakyat lek manjadi sada kakuasoan mardaulat tai kakuasoan politiknia idalankon sacara inda langsung lewat parwakilan; on idokon demokrasi parwakilan. Konsep demokrasi parwakilan ro tingon ide-ide dot institusi na markembang i Abad Partongaan Eropa, Era Panorangan, dot Revolusi Amerika Serikat dot Perancis.