Lṳ̀ng-ngàng

Lṳ̀ng-ngàng-chê
—  Dê-ngék-chê  —
龙岩市
Lṳ̀ng-ngàng găk Hók-gióng gì sū-câi. gì ôi-dé Lṳ̀ng-ngàng găk Hók-gióng gì sū-câi.
Lṳ̀ng-ngàng-chê Lṳ̀ng-ngàng găk Dṳ̆ng-guók gì sū-câi.
Cô̤-biĕu: 25°04′34″N 117°01′01″E
Guók-gă	Dṳ̆ng-guók
Sēng	Hók-gióng
Céng-hū sū-câi	Sĭng-lò̤-kṳ̆
Miêng-cék
- Dŭ-liāng	19,069 km2
Ìng-kēu (2020 puō-chă)
- Dŭ-liāng	2,723,637 nè̤ng
- Mĭk-dô	142.8/km2
Sì-kṳ̆	CST (UTC+8)
Uōng-câng	www.longyan.gov.cn

Lṳ̀ng-ngàng (龍岩, Káh-gă-ngṳ̄: Liùng-ngàm, Mìng-nàng-ngṳ̄: Lêng-nâ) sê Dṳ̆ng-guók Hók-gióng-sēng să̤-buô gì dê-gék-chê. Ĭ báe̤k-buô sê Săng-mìng, dĕ̤ng-buô sê Ciòng-ciŭ, dĕ̤ng-nàng-buô sê Ciŏng-ciŭ, să̤-buô sê Gŏng-să̤-sēng, nàng-buô sê Guōng-dĕ̤ng-sēng.

Hèng-céng dăng-ôi

Lṳ̀ng-ngàng-chê ô 1 bĭk kṳ̆, 1 bĭk gâing-gék-chê gâe̤ng 5 bĭk gâing:

• Sĭng-lò̤-kṳ̆ (新羅區)
• Ciŏng-bìng-chê (漳平市)
• Diòng-tĭng-gâing (長汀縣)
• Īng-dêng-gâing (永定縣)
• Lièng-siàng-gâing (連城縣)
• Siông-hòng-gâing (上杭縣)
• Ū-bìng-gâing (武平縣)

Lĭk-sṳ̄

Gĭng-dáng-nĭk gì Lṳ̀ng-ngàng dê-kṳ̆ găk 736 nièng sèng-âu sê Tĭng-ciŭ (汀州), guāng-hăk Diòng-tĭng-gâing (長汀縣), Uòng-lièng-gâing (黃連縣) gâe̤ng Sĭng-lò̤-gâing (新羅縣). Ĭng-ôi diŏh Sĭng-lò̤-gâing ô siŏh ciáh dê-huŏng hô̤ lō̤ "Lṳ̀ng-ngàng-dâe̤ng" (龍岩洞), gó-chṳ̄ 742 nièng Tĭng-ciŭ cêu gāi miàng có̤ Lṳ̀ng-ngàng lāu.

Gū-cā Dṳ̆ng-guók báe̤k-huŏng ô ciéng-luâng, cêng sâ̤ báe̤k-huŏng gì Háng-cŭk-nè̤ng cāu-huāng gáu Lṳ̀ng-ngàng dê-kṳ̆, ĭ-gáuk-nè̤ng cêu sê Káh-gă-nè̤ng. Diòng-tĭng ké̤ṳk nêng-ùi sê Káh-nè̤ng gì chió, Tĭng-gĕ̤ng (汀江) ké̤ṳk chĭng có̤ Káh-nè̤ng gì mū-chĭng-ò̤.