ئەحمەد عارف

ئەحمەد عارف
لەدایکبوون	٢١ی نیسانی ١٩٢٧ ئامەد، تورکیا
مردن	٢ی حوزەیرانی ١٩٩١(١٩٩١-٠٦-٠٢) (٦٤ ساڵ ژیاوە) ئەنقەرە، تورکیا
ھۆی مەرگ	جەڵدەی دڵ
شوێنی ناشتن	Cebeci Asri Cemetery
زمانەکانی ئاخاوتن	زمانی تورکی، زمانی کوردی
پیشە	شاعیر، نووسەر، ڕۆژنامەوان
پەروەردە	School of Language and History – Geography، Ankara University
لە ویکیدراوە دەستکاریی زانیارییەکان بکە

ئە‌حمە‌د عارف (بە‌رێنووسی لاتینی: Ahmed Arîf)لە‌داکبووی ١٩٢٧ لە گە‌ڕە‌کی خانچە‌پە‌کی ئامە‌د و کۆچکردووی ١٩٩١ ئەنقەرەی پایتە‌ختی تورکیا، شاعیرێکی بە رە‌چە‌ڵە‌ک کوردی باکوورە کە ھۆنراوە‌کانی بە زمانی تورکی ھۆنیوە‌تە‌وە.

کورتەی ژیانی

ناوی درووستی ئە‌حمە‌د عارف حیکمە‌ت ئۆنال (Ahmed Önal)ـە لە شاری ئامە‌د (دیاربە‌کر) گە‌ورە‌بووە و خوێندنی سە‌رە‌تایی لە شارۆچکە‌ی (سوێرەک)دە‌ست پێکردووە و ناوە‌ندیی لە شاری ئورفا و پاشتر لە شاری (ئە‌فیون حە‌سار) تە‌واو کردووە. خوێندنی زانکۆی لە ئە‌نقە‌رە لە بە‌شی فە‌لسە‌فە خوێندووە و پێی تە‌واو نە‌کراوە بە‌ھۆی جموجۆڵی سیاسیی و زیندانیکردنی. ساڵی ١٩٥٠ دە‌گیرێت و دووساڵ زیندانی دە‌کرێت. بە‌رھە‌م وشیعرە‌کانی ئە‌جمە‌د عارف ئە‌گە‌رچی بە زمان تورکین، بە‌ڵام بە ھە‌ست و خوستی کوردانە ھۆنراونە‌تە‌وە و ژان و ھە‌نسکی کوردە‌واریی پێوە دیارە.

بڵاوکراوەکانی

شیعرە‌کان کە بە تورکبن لە ساڵانی ١٩٤٠-١٩٥٥ لە گۆڤارە‌کانی ئە‌وسا دێنە وە‌شاندن. یە‌کە‌م پە‌رتووکی ساڵی ١٩٦٨بە ناوی ((Hasretinden Prangalar Eskittim):کە‌لە‌بچە‌کانم لە حە‌سرە‌تی تۆ داڕزاند)ناودە‌نگێکی زۆری بە دە‌ستھێنا و تا نھا چل جار چاپکراوە‌تە‌وە و وە‌رگێرراوە‌تە سە‌ر زمانی کوردی. ھە‌ندێک ھە‌لبە‌ستە‌کانی لە‌لایە گۆرانیبێژی کورد ئەحمەد کایا کراوە‌نە‌تە گۆرانی. پاش کۆچکردنی ١٩٩١ نووسین و شیعرە‌کانی کۆدە‌کرێنە‌وە کە زۆربە‌یان لە رۆژنامە و گۆڤارە‌کان بە پە‌رش وبڵاوی بڵاوکرابوونە‌وە لە دووتوێی پە‌رتووکێک بە ناوی (Yurdum Benim Şahdamarım: وارێ من شادە‌مارێ من) ساڵی ٢٠٠٣ چاپ دە‌کرێت کە ھە‌ندێک لە بە‌رھە‌می بڵاونە‌کراوە‌شی لە خۆگرتووە.

بەستەری دەرەکی

• شیعری Hasretinden Prangalar Eskittim بە دە‌نگی ئە‌حمە‌د کایا