Mudifica di Lethwei

[[Image:devie_genou.jpg|50px|left]]
[[Image:provoc0.jpg|thumb|right|Parcussione di a bracciu upposta cum'è pruvucazione à u fini di u "lethwei-yei"]] 
U celebri '''pughjilatu birmanu''' si chjama '''lethwei''' o ''Myanma yuya louvi'' (Myanmar ''traditional boxing'' in inglese). A so versione spurtiva hè ancu chjamata da l'annati 1960: '''[[bando kick-boxing]]'''.

==Definizione==
Ista famosa pratica di scherma di i mani è di i pedi nudi risalirebbe a u IIIinmu seculu quandu i munaci vulevanu intrattene si è difende si. Hè un pughjilatu "dettu marziali" quali prende in prestitu à l'eredità tecnica da u guerreru birmanu tutta a so panoplia di strateghi. Divintu pupulari à partiri da u XIinmu seculu sottu i Ri Anawratha, incù cumbattimenti interetnici senza nessune regule è di una viulenza senza misura cumune. U modu d'affruntà si hè moltu spezificu, tenendu moltu spessu di u cumpurtamentu animali è somiglia solamente di moltu luntanu à altre pratiche urentali.

==Regulamentu: u pughjilatu birmanu o "superlativu" di i pughjilati==
Ancestralmente, l'uppusizione hè diretta da dui arbitri è si svolga in un cerchju duva ogni forma di parcussione è di pruiezione hè auturizzata. L'era muderna hà intrudottu i regule di u pughjilatu uccidentali, particularmente i guanti, i prutezioni, i round è u ring. U panel tecnicu di u cumbattenti hè moltu largu è i cumpurtamenti s'ispiranoi à l'altre pratiche di cumbattimentu di a Birmania. Si truvanu numerose azzioni spettaculari particularmente i tecniche vulanti ([[calciu (pedata)|calciu]] in volu, [[colpu di ghjinochju]] è [[colpu di ovitu|di ovitu]] in volu), è tecniche in marcia di scala (calciu è colpu di ghjinochju). In u passatu, u pugilatu birmanu tradiziunali era l'antitesi di [[Thaing]], pà u so aspettu brutali è primariu. Oghji, ùn hè cusì, puichè urganizzatu in i cundizioni muderne, pò esse piacevole à vede.

[[Image:Crochetage3.jpg|thumb|200px|Tecnica di fà ganciu in lethwei mudernu]]

==Caratteristiche tecniche: "tuttu u corpu hè un'arma"==
Nove tecniche tradiziunali cumpugnonu a pratica di u pughjlatu birmanu. I caratteristiche tecniche di u lethwei tengonu tri cumpunenti principali, l'armi usate, i scopi mirati è i distanze di cumbattimentu. Truviamu:
# un'utilizzazione di tuttu l'arsenali curpurali dispunibili, di parcussione è di pruiezione (nove armi principali: craniu, dui pugni, dui oviti, dui ghjinochja è dui pedi),
# a ricerca di parcussione di l'insemi di u corpu avversu,
# a ghjestione di tre distanze di cumbattimentu: distanza lunga (in particulari di calciu), distanza media (colpi di ghjinochju, pugnu è ovitu), corpu à corpu (prese è pruiezioni).
Da un puntu di vista strateghjica, è pà esse facilmente ricurdatu, un insemi di principi hè decrecatu. Pà esempiu, truviamu i principii siguenti:
# culpisce l'armi avverse prima d'attacà si a u centru di u corpu (ex.: scossa in colpu di testa in u muscolu in stessu tempu di un colpu di pugnu circulari avversu o parcussione di a coscia avversa in calciu frustratu (fr. ''fouetté'') in uccassione di un'uffensiva in [[calciu circolari]] in linea mediana),
# i pruiezioni hannu à effettuà si in u spaziu vicinu pà purtà una parcussione immediata in arrivandu a u solu,
# utilizzà i strateghje di l'animali di u '''[[thaing]]''' (ex. parcussione in i membri inferiscei avversi di tipu cinghiali, o colpu di zampa di tipu pantera in i braccia avversi pà aprisce si un caminu versu i scopi, o scupaturu rutativu di a tigre in un'uffensiva in calciu à a faccia).
[[Image:percut_arm.jpg|thumb|right|Parcussione di a coscia avversa]]

==Particularità culturali di u lethwei==
Tradiziunalmente u cumbattimentu si svolghje in un cerchju. In i villaghji birmani, ancora à u XXIinmu seculu, quissu cumbattimentu hà mentenutu u so caratteri ancestrali. Solu l'apparizione di un ring uccidentali è di i divisioni sembra esse signu di mudernità.

L'incontru hè direttu da dui arbitri, pà pute megliu separà i prutagunisti, è hè evaluatu da sei ghjudici. Tutte i tecniche sò auturizzate, si pò culpisce un omu in terra. I pughjili cumbattonu durante i partite moltu lunghe. I round sò intervallati da riposi cumpleti durante quali si svulgonu altri incontri.

L'attrezzatura hè summaria, portu di i pantaluncini di pughjilatu, mani bandate, noce di coccu in modu di prutezione ghjenitale, curreghja di coiu frà i denti. Finora, tanti pughjili birmani si tatuanu u troncu è i ghjamba. Si pò vede, à qualchì, i so vittorie, à altri di i rippresentazioni d'animali (aquila, cobra, pantera, tigre, ecc.) simbulizzandu forza è curaghju.

==U lethwei-yei==
Danza guerrera esiguita à l'iniziu di cumbattimentu, pà dimustrà abilità è curaghju. À a fini di a danza, i braccia incruciate u pughjile si culpisce ognuna di i so spalle incù a manu upposta in modu da annuncià chì hè prontu à cumbatte. Una danza di vittoria hè ancu esiguita dopu a dezisione di i ghjudici.
[[Image:dance0.jpg|thumb|right|Danza prima di u cumbattimentu]]

==U let-khamaungnkhat==
Prezentazione di l'armi usate durante u cumbattimentu di lethwei, da u pughjili stessu. Culpisce di a so manu aparta l'arma upposta. A prezentazione s'effettua dà l'altu in bassu, inizialmente coi pugni è i oviti, poi i ghjinochja è infini di pedi.

==Vede ancu==
*''Bando, philosophy, principles and practice'', M.Gyi, IST edition, 2000 
*''Burmese bando boxing'', M.Gyi, Ed. R.Maxwell, Baltimore ([[Baltimora]]), 1978
*''Comprehensive Asian Fighting arts'', D.F.Draeger and R.W.Smith, E. Kodansha, Tokyo, 1969
*''Traditional burmese boxing'', Z.Rebac, Ed. Paladin Press, Boulder, 2003
*Lethwei Martial Couderette, Ginger Edition, 2017

==Liami esterni==
* [http://www.bando.fr Federazione (francese) di Bando Pughjilatu Birmanu] (in francesu)
* [http://www.americanbandoassociation.com Federazione di l'America di u Nord di Bando] (USA) (in inglesu)

[[Categoria:Arti marziali birmani]]
[[Categoria:Kick-boxing]]