Baner Eswatini

Mabwysiadwyd baner genedlaethol Eswatini ar 30 Hydref 1967.^[1]^[2] Rhennir yn dri stribed llorweddol: dau stribed glas ar frig a gwaelod y faner, a stribed llydan coch yng nghanol y faner gydag ymyl melyn iddo.^[3] Mae coch yn symboleiddio brwydrau'r gorffennol, melyn yn cynrychioli cyfoeth naturiol y wlad, a glas yn symboleiddio heddwch.^[1] Yng nghanol y stribed coch mae tarian ddu a gwyn, sef tarian y Gatrawd Emasotha a ffurfiwyd yn y 1920au. Y tu ôl i'r darian mae dau asegai (gwaywffyn Affricanaidd) a ffon ymladd draddodiadol gyda thasel tinjobo a wneir o blu'r aderyn gweddw a'r loury ar naill ochr y ffon.^[1] Mae tasel tinjobo hefyd ar y darian.^[2] Mae'r darian, y gwaywffyn a'r ffon yn cynrychioli amddiffyn yn erbyn gelynion y wlad. Mae lliwiau'r darian yn symboleiddio heddwch rhwng duon a gwynion yng Nglwad Swasi.^[3] 2:3 yw cymhareb y faner hon.^[1]^[2]

Mae'r dyluniad yn seiliedig ar faner a gyflwynwyd i Gorfflu Arloeswyr y Swasi gan y Brenin Sobhuza II ym 1941.^[2]

Newid enw'r Wlad

Gelwir y wlad yn swyddogol bellach yn "eSwatini" a chyfeirir at baner eSwatini Yn ystod dathliadau 50 mlwyddiant annibyniaeth y wlad, cyhoeddodd y Brenin Mswati III ei fod yn newid enw'r wlad yn swyddogol y wlad i "Teyrnas eSwatini".^[4]

Symbolaeth

Ceir symboliaeth i liw a delweddau'r faner:

Glas - heddwch a sefydlogrwydd

Coch - gwaed coch rhyfeloedd y gorffennol ^[5]

Melyn - y ffiniau melyn ar gyfer adnoddau naturiol eSwatini

Gwyn a du y darian - cysylltiadau hiliol da, y tri chorff yn symbol o llinell frenhinol y Swazis a'r gwaywffyn y tu ôl y darian i amddiffyn eSwatini rhag ei gelynion

Baner Eraill

Baner Gwlad Swasi, 1894
Baner Brenhinol eSwatini

Cyfeiriadau

↑ ^1.0 ^1.1 ^1.2 ^1.3 Znamierowski, Alfred. The World Encyclopedia of Flags (Llundain, Anness, 2010), t. 224–5.
↑ ^2.0 ^2.1 ^2.2 ^2.3 Complete Flags of the World (Llundain, Dorling Kindersley, 2002), t. 105.
↑ ^3.0 ^3.1 (Saesneg) Flag of Swaziland. The World Factbook. CIA. Adalwyd ar 4 Mehefin 2013.
↑ Flags of the World – eSwatini
↑ Greig, Charlotte. The Dictionary of Flags. Grange Books. ISBN 1-840137-58-4

Dolenni allanol

(Saesneg) National Symbols (Llywodraeth Gwlad Swasi)
(Saesneg) eSwatini (Flags of the World)

[AZ-1] 1.0 ^1.1 ^1.2 ^1.3 Znamierowski, Alfred. The World Encyclopedia of Flags (Llundain, Anness, 2010), t. 224–5.

[DK-2] 2.0 ^2.1 ^2.2 ^2.3 Complete Flags of the World (Llundain, Dorling Kindersley, 2002), t. 105.

[CIA-3] 3.0 ^3.1 (Saesneg) Flag of Swaziland. The World Factbook. CIA. Adalwyd ar 4 Mehefin 2013.

[4] Flags of the World – eSwatini

[Greig-5] Greig, Charlotte. The Dictionary of Flags. Grange Books. ISBN 1-840137-58-4

[1]

[2]

[3]

[4]

[5]