Pan-Slafiaeth
Mudiad sy'n anelu at undod gwleidyddol, diwylliannol a chrefyddol yr holl bobloedd Slafonaidd yw Pan-Slafiaeth. Fe ddatblygodd ym mlynyddoedd cynnar yr 19g fel ffurf o genedlaetholdeb ramantaidd. Cynhaliwyd y Gyngres Ban-Slafaidd Gyntaf ym Mhrag yn awyrgylch chwyldroadol mis Mehefin 1848.
Enghreifftiau o Ban-Slafiaeth
[golygu | golygu cod]
Ceir sawl enghraifft o Ban-Slafiaeth gwleidyddol, ieithyddol a diwylliannol. Yn eu mysg mae:
- Sokol - mudiad chwaraeon a sefydlwyd ym Mhrâg yn 1862 ac sydd wedi ymledu i gynnwys y rhan fwyaf o'r cenhedloedd Slafeg.
- Rhyngslafeg - iaith artiffisial neu rhyngiaith sy'n defnyddio'r ffurfiau sydd fwyaf cyffredin yn y gwahanol ieithoedd Slafaidd i greu tafodiaith neu koine newydd i siaradwyr gwahanol ieithoedd Slafaidd i siarad gyda'i gilydd.
- Baneri sy'n cynnwys y lliwiau pan-Slafeg sef coch, gwyn a glas. Gwelir hyn mewn baneri cenedlaethol fel Rwsia, Serbia, Slofenia, Croasia, Tsiecia, a Slofacia.
