Moria

Moria
Melumat
Xısusiyet	Fictional underground location û fictional country
Mıntıqa	Sanıkê nêqediyayê
Wılayet	Cıhano Miyan û Misty Mountains
Xerita

Moria ya zi Khazad-dûm sûka bınê hariya ke Cihanê Miyani de ca gêna. Na suke be namê Khazad-dûm zi şınasiyena, Khazad-dûm "Bonê Cuceyan" areze keno. Durin ya zi Durino Bêmerg, oyo ke miyandê hewt qıralanê Cuceyan de qıralo en gırdo u en namdaro, Warey Azanulbizari de geyrao u bınê rocvetışê Koyanê Dûmanênan de kaf diyo. Durino Bêmerg uca kınıto u Khazad-dûm vıraşto. Çağê Yewın de Cucey Khazad-dûmi zaf zengın biyê u rocawanê Koyanê Dûmanên ra sistemê lani vıraşto. Lecê Hersi ra tepeya dı sukanê Cuceyan Nogrod u Belegost ra tayê Cuceyan remayê u ameyê Moria. A ri ra nıfusê Khazad-dûmi zaf berz biyo. Cuceyan uca de metalo ke cı ser de sihir esto mithrili diyo u be guriyayışê mithrili ra, refah u weşiya Cuceyan aver şiyê.

Çağê Dıyın de Sauron u Elfan miyan de lec veciyo, demê leci de Cuceyan keyberanê Khazad-dûmi padayê u be teberi gıreyanê xo bırnê. Na sebeb ra Elfan Cuceyan rê qerqılyay u Khazad-Dûm rê namê Moria (Laniyo Tari) daya. Çağê Hirêyıni de Cuceyan Moria de weşiye de cıwiyê hama serra 1980ıne de semedê mithril vetene bınê Koyê Caradhrasi rê şiyê u uca de be Balrogi têvera kewtê. Balrog şeytano gırdo ke adır u tari ra vıraziyao, Çağê Yewıni de Balrog bınê Koyê Ustıriyê Suri rê hepıs keriyao. Balrog dı qıralanê Cuceyan kıştê, pêro Cuceyan uca ra rıştê u uca xo rê ca kerdo. No tarix ra tepeya Moria cayê org u trolan biyo.

Çağê Hirêyıni de be lideriya Balini de Cuceyan arê biyê u ameyê têlewe, semedê Moria gırewtene be Bolrogi lec kerdo, hema heme inan terefê Balrogi ra kışiyay. Moria heta Çağê Hirêyıni de heta seserra hirêyıne, destê Balrogi de menda. Na serre de Balrog bırayanê engıştane rê dest kerdo u Pırdê Khazad-Dûmi de Gandalfi Balrog diyo. Ê uca de lec kerdo u pırd xırabe biyo, her dı zi kewtê cêr. Gandalfi bınê koyan de Balrog kışto.