Pısınga yabania Ewrasya
Pısınga yabania Ewrasya çehar cınsanê pısınganê yabanan ra tewr gırdo, cı ra lynx lynx vaciyeno. Weşaqê Ewrasya Ewropa, miyanê qıtay Asya û mêşanê (bırranê) Sibirya de cıwiyeno. Eno cıns nêsevekniyeno yani nêno sıtar kerdış çunkê amarê inan nêkemiyeno. Populasyonê weşaqê Ewrasya qıtay Ewropa ra esteriyao, hema waziyeno ke reyna bıcıwo coka karê reyna ardışê cı yenê kerdış yani reintrodukte beno. Weşaqê Ewrasya qıtay Ewropa de heşo gewr û vergo gewr ra tepeya tewr heywano gırdo, hetê rêze ra ê hirêyıno. O goştwero gırdo, her roce yew û dı kilogramê goştan weno, caygey cıwiyayışê cı zaf hirao.
Amnan de postê weşaqê Ewrasya kılmo, zey sûr û qehweo ke zımıstan de beno gewr, qehweo tari û wışk. Weşaqê Ewrasya peyê seydê xo şıno, xo nêmoteno cı, hol keno (çıng dano) seydê xo ser û seydê xo tepışeno. Werdê weşaqê Ewrasya kospesê kılmeki, awrêş û heywanê binê qıtekê. Weşaqê Ewrasya ganiyê do oppurtunisto, yani fırset geyreno cı û key û kamca de seydê xo vêneno, seyd keno û weno.