Addis Abeba
| Addis Abeba | ||
|---|---|---|
| ||
| Zakładne daty | ||
| stat |  Etiopiska
| |
| geografiske połoženje | 9° 1′ N, 38° 45′ O9.016666666666738.75Koordinaty: 9° 1′ N, 38° 45′ O | |
| wusokosć | 2.355 m | |
| płonina | 530,14 km² | |
| wobydlaŕstwo | 3.230.771 (2009) | |
| gustosć zasedlenja | 6.094,2 wob./km² | |
| Měsćańske zastojnstwo | ||
| website | addisababacity.gov.et | |
| ||
Addis Abeba (teke Addis Ababa, amharski አዲስ ፡ አበባ - „nowa kwětka“) jo stolica a nejwětše město pódzajtšoafriskego kraja Etiopiskeje. Lažy w srjejźišću kraja we wusokosći wót 2.200 do 3.000 metrow nad głaźinu mórja pód góru Entoto a jo toś pó Quito (Ekwador) a Sucre (Boliwiska) tśeśe nejwuše lažeca stolica na swěśe. Addis Ababa ma wokoło 3,3 mio. wobydlarjow a jo politiske, góspodaŕske a zastojańske srjejźišćo Etiopiskeje kaž teke sedło centrale Afriskeje unije (AU).
Sedlišćo załožy se akle w nowembrje 1886 w bliskosći rezidency krala Menelika II., kótaregož głowne lěgwo jo stojało tegdy na górje Entoto. Tam dosć městna za załoženje noweje stolicy njejo było, tak až su ju w dolinje pód góru załožyli. W lěśe 1892 dósta město swójo mě. 1905 załožyjo se prědna banka, 1908 prědna šula, 1910 prědna chórownja a 1911 prědna śišćernja. Kino jo było w měsće južo wót lěta 1898.
Dla wusokosći a bliskosći k ekwatorej jo klima w etiopiskej stolicy powšykneje miła, z pśerěznymi maksimalnymi temperaturami mjaz 21 (julij, awgust) a 25 °C (měrc, apryl, maje) a minimalnymi temperaturami mjaz 5 (nowember, december) a 11 °C (julij, awgust). Wob lěto maju pśerěznje 123 dešćikojtych dnjow, pśedewšym mjaz aprylom a septembrom.
Addis Abeba ma mjazynarodne lětanišćo a wót lěta 1950 teke uniwersitu.
Partnerske města
[wobźěłaś | žrědłowy tekst wobźěłaś]- Be'er Scheva, Israel, wót 2004
- Peking, China
- Chuncheon, Pódpołdnjowa Koreja
- Lipsk, wót 2004
Wótkaz
[wobźěłaś | žrědłowy tekst wobźěłaś]
Commons: Addis Abeba – Zběrka wobrazow, widejow a audio-datajow