Tapayas

Tapayas
Plant and fruit, from Koehler's Medicinal-Plants (1887)
Conservation status
Data Deficient  (IUCN 3.1)
Scientific classification
Missing taxonomy template (fix):	Brassicales
Family:	Caricaceae
Genus:	Carica
Species:	C. papaya
Binomial name
Carica papaya L.

Templat:Stack end Tapayas nopo nga spesies susumuni id suang genus Carica paganakan Caricaceae. Susumuni diti nopo nga mantad is Mexico Kabaatan om Amerika Tanga. Ontok nopo timpu baino, tapayas nopo diti nga tonomon id kogumuan pogun kiiklim tropika poinsuang no Asia Tenggara.

Puun tapayas nopo nga papaasil do tua' di milo do akanon. Tapayas nopo nga ogumu padagangon id badi poinsuang no badi rarapaon. Tumpuk, roun tomulok om tusak tapayas nopo nga kosoruan silihon do rarapaon. Opoit o kaakanan do tumpuk tomulok tapayas om kiroso oonsom - onsom om oomis - omis kaakanan do tua tapayas di omulok po.

Woyo botani

Puun tapayas nopo nga kilinawoi 2 - 7 m. Guas nopo nga aiso raan, Kiliwang o tanga om ogumu bagas nokoiduan do roun id guas. Roun - roun nopo nga sumuni id pompod do puun om roun nopo nga kibontuk do tunturu, aiso wulu om kiwaa tuhat di atalang do okito.

Koinsanai boogian do puun poposoliwan do pulut.

Tua tapayas nopo nga iso kawo beri tagayo, alandui pikikiro 15 - 45 sm ninaru om kidiameter 10 - 30 sm. Kulit nopo tua diti nga kiwarana otomou maamaso omulok om mundaliu osilou toi urin soira oonsok. Tonsi nopo nga opurak maamaso omulok po om sumiliu warana urin soira oonsok. Ogumu linsou tokodo id suang do tua tapayas i kiwarana sokulit oitom - itom om obulugu alandui.

Kogunoon

Tua di noonsok nopo nga asaru akanon, silihon do jem, juus tinumon, pomoroso sokirim om puding, halwa om sos. Tapayas di au po noonsok nopo nga milo silihon do nonsom toi ansakon sabaagi rapaon.

Tapayas nogi nga poposoliwan iso kawo enzim i ointutunan sabaagi papain. Kosoruan do gunoon o papain id kopotoundaan do taakanon loolobi po montok popolomi daging, momonsoi tubat do nipon om gula - gula gata. Tulun ginumuan id Mexigo nopo nga momoguno roun tapayas sabaagi rusap montok do asma om kobolingkangan tundu' - undu'. Sundung po tu do ingkaa, kopomogunoon roun di oindamaan kogumu kopogowit kobolingkaangan tu kapaasil do toksin. Ontok nopo timpu diti, pogun Filipina nopo nga pogun di poposoliwan tapayas miampai komersial.

Roun tapayas nopo nga gunoon montok momolingos toruol malaria. Tumpuk do roun tapayas gunoon miampai tradisional montok momolingos toruol i kopionit do raha om kosoruan nopo nga toruol mantad do nondui. Tumanud Bomoh Mahaguru Ibrahim Md Zain, kopongonuan tumpuk roun tapayas minog do soginumu intolu sangadau soira koimbulai o angaragang id tinan.