Elisa Isoardi
|
C'l artìcul chè 'l è scrit in
Miranduléś |
L’Elisa Isoardi (Cùneo, 27 ad Dicémbar dal 1982) l'è na cundutōra televiśìva e èx mudèla piemuntéśa. L'è élta 174 cm e la péśa 64 chilo. La pòrta 'l 41 ad scarpi e la gh'à i òć vérd. A gh piàś cuśinàr[1] e stiràr[2].
Insém a l'Eleonora Daniele, a la Caterina Balivo e a la Veronica Maya l'à fat part 'd un grup ad śōvni preśentadōri cuciàdi in élt p'r al diretōr ad Rai 1 Fabrizio Del Noce, al Del Noce's Angels[3].
Biugrafìa
Dòp avēr vins al tìtul ad Miss Fràgula in dal 1998 e avēr tòlt part a Miss Murét e a Miss Itàglia in dal 2000, la spatìna a Róma par studiàr teàtar dramàtic. In séguit la taca a lauràr in televiśiòṅ insém a Massimo Giletti in prugràma cuma Guarda che luna e 'l Fèstival ad Castruchèra. Al sucès par lē al riva in dal 2008 quànd la preśènta La próa dal cōg tulénd al pòst dl'Antonella Clerici.
Fra i sò àtar prugràma a 'rcurdém al Prèmi Persèfun, Déś stéli par Màdar Teréśa, Matìna Òṅ, Matìna Òṅ Ròśa, Matìna Òṅ Vérda, Lìnea Vérda e Lìnea Vérda Istâ.
Nòti
- ↑ Chi è-la l'Elisa Isoardi: na ex Miss, da i guadàgn stelàr Donna Glamour, 19 ad Luj dal 2019
- ↑ L'Elisa Isoardi ch'la stira 'l camìśi: "Cal chè al mè venardè 'd sira da lèòṅ" Il Giornale, 9 'd Avrìl dal 2018
- ↑ Tri Del Noce's Angels candidàdi par Sanremo. E l'Isoardi la fà tarmàr la Clerici TV Blog, 9 ad Śnar dal 2009
Àtar prugèt
Wikiquote contiene citazioni di o su Elisa Isoardi
Wikimedia Commons contiene file multimediali su Elisa Isoardi
