Fallo!
|
C'l artìcul chè 'l è scrit in
Miranduléś |
 Fallo!
| ||
 La Silvia Rossi e Andrea Nobili in na figùra dal film | ||
| Fà'l! 2003 | ||
|---|---|---|
| Regìa: Tinto Brass | ||
| Scritōr: Tinto Brass • Carla Cipriani Massimiliano Zanin | ||
| Atōr: Sara Cosmi • Max Parodi • Raffaella Ponzo Federica Tommasi • Daniele Ferrari • Andrea Nobili Maruska Albertazzi • Antonio Salines • Vito Oliva | ||
| Müsica: Francesco Santucci | ||
| Léngua: Itagliàṅ • Vènet • Ingléś • Francéś • Spagnōl | ||
| Dürä dal film: 120 minüt | ||
| Nasiōṅ: Itàglia | ||
Fallo! (Fà'l!) l'è na cumèdia eròtica a epiśòdi dal 2003 ad Tinto Brass.
In Itagliàṅ al tìtul dla pelìcula l'è 'n śōg ad paròli parchè al vōl dir dū quèi difarènt: “Fà'l” e “Cas”.
Sunt
Epiśòdi: Àlibi (ambintâ a Caśablànca)
La Cinzia (Sara Cosmi) la festégia c'n al marè Gianni (Massimiliano Caroletti) la luna 'd mēl a Caśablànca e lò al gh rigàla al premi ch'la s insuniàva da tant tèmp, 'n inculàda c'n al camarēr maruchèṅ Alì (William De Vito).
Epiśòdi: Muntàǵ alternâ (ambintâ a Róma)
La Stefania (Silvia Rossi), mujér dal preśentadōr televiśìṿ Luigi (Andrea Nobili) ch'al gh mét i còran cun cla buchinàra dl’Erika (Federica Tommasi), la decìd ad parśàr i cònt faghénd-'s al regìsta Bruno (Max Parodi).
Epiśòdi: 2 cōr e na capàna (ambintâ in d'l Élt Édǵ)
La Katarina (Raffaella Ponzo), tgnénd adrē a i cunsìli dal sò muróś napulitàṅ e cōg Ciro (Stefano Gandolfo), la decìd 'd andàr a lèt cun la Frau Bertha (Virginia Barrett), òspit dla pensiòṅ in du lē la lavóra cuma camaréra. C'n i bèsi fat sù in cla manéra lè la pōl finalmènt vèr'r un risturànt tut suo insém a Ciro.
Sénsa gnanc un pôc ad vargóggna la Raffaella (Angela Ferlaino) la tradìs sò marè Ugo (Daniele Ferrari) faghénd pasàr al sò gusàdi cuma dal fantaśìi eròtichi p'r impisàr incóra da piò al deśidèri dal sò óm.
Epiśòdi: Honni soit qui mal y pense (ambintâ a Cap d'Agde)
La bulgnéśa Anna (Maruska Albertazzi), in vacànsa in un pòst purcùs in dla regiòṅ francéśa dla Lénguadòc-Rusijòṅ, la s lasa andàr tacànd a far la rója cun la Mrs. Helen (Grazia Morelli) e c'n al sò malnét marè scuséś Mr. Noel (Antonio Salines) dand-'g al cûl, un quèl ch'la n iva invéci mai fat cun sò marè Franco (Riccardo Marino).
Epiśòdi: Ciàm'um purcùsa ch'a m piàś (ambintâ a Lóndra)
La vèneta Rosy (Federica Palmer), in Luna 'd mēl in Inghiltèra cun sò marè Oscar (Roberto Giulianelli), la decìd ad lasàr-'s andàr cumpurtànd-as da nimàla faghénd-as védar cavàda sò da 'n guardòṅ dal pòst (Tinto Brass).