Fitùm dla Vìrgin
|
C'l artìcul chè 'l è scrit in
Miranduléś |
Al Fitùm dla Vìrgin 'l è 'l fitùm ad galàsi più grôs fra qvéi più darènt a 'l nòstar Grup Lucàl ch'al cumprènd anc la Via dal Lat. Esénd luntàṅ “sōl” ssanta migliòṅ 'd an luś, dimóndi dal sò galàsi i s pōlan védar da la Tèra anc cun di telescópi pìcui. 'L è furmâ da piò ad dumìla galàsi.
Al Fitùm dla Vìrgin 'l è 'l mémbar più grôs dal Sùper-Fitùm Lucàl e i sò efèt gravitasiunài i s fànan sintìr arbasànd la śveltésa dal galàsi più darènti ch'i èṅ anc tiràdi vèrs 'd lò. Anc al nòstar Grup Lucàl 'l è drē a davśinàr-as sèmpar da piò vèrs al Fitùm dla Vìrgin, ad duśènt km a 'l secónd.
La Galàsia Vìrgin A, cgnusùda anc cuma M87, 'l è 'l mémbar duminànt ad cal grup chè e in mèś la gh'à anc un buś négar sùper-cumpàt ciamâ M87 anc lò. Al prim ad Mars dal 2007, 'l astrònum giapunéś Kōichi Itagaki al gh'à catâ dèntar na sùper-Nòva ciamàda SN 2007af a 'l intéran dla galàsia NGC 5584.