Joan Bennett
|
C'l artìcul chè 'l è scrit in
Miranduléś |
La Joan Geraldine Bennett (Palisades Park, 27 ad Favràr dal 1910 – Scarsdale, 7 ad Dicémbar dal 1990), cgnusùda méj cuma Joan Bennett, l'è stada n'atōra americàna ch'l'à laurâ a teàtar, in televiśiòṅ, e a 'l cìnema in dua l'à girâ da piò ad stanta pelìculi, da i tèmp di film mut a la fiṅ di an Stanta.
La sò caréra la gh'à abû un brut cōlp in di an Sinquànta quànd al sò tèrs marè, al prudutōr Walter Wanger, 'l à frî a cōlp ad pistòla al sò agìnt, Jennings Lang.
L'à laurâ cun George Cukor (Piccole donne dal 1933), cun Fritz Lang (Duello mortale dal 1941, La donna del ritratto dal 1944, Strada scarlatta dal 1945 e Dietro la porta chiusa dal 1948), c'n Otto Preminger (Margine d'errore dal 1943), cun Jean Renoir (La donna della spiaggia dal 1947), cun Vincente Minnelli (Il padre della sposa dal 1950) e cun Douglas Sirk (Quella che avrei dovuto sposare dal 1956). I sò dū ùltim rōi i èṅ in dū film ad scarésa di an Stanta, in La casa dei vampiri ad Dan Curtis e in Suspiria ad Dario Argento in dua l'iva fat la Madame Blanche, la capa dal strii.