Joe Cocker

C'l artìcul chè 'l è scrit in Miranduléś

«

Baby take off your coat real slow, baby take off your shoes, I'll help you take off your shoes, baby take off your dress, yes yes yes, you can leave your hat on. Go over there, turn on the light, no all the lights, come back here stand on the chair, ooh baby that's right! Raise your arms in the air, now shake 'em, you give me reason to live.»

(EN)(You Can Leave Your Hat On, 1986)

«

Teśôr cava-'t via al tò giachét piàn piàṅ, cava-'t via 'l scarpi, a t darò na maṅ mè, cava-'t śò ragasōla, sè sè sè, at pó tgnir al capèl incô. Và in cal cantòṅ, impìsa la luś, nò tut al luś, tórna chè e mónta in sla scrana, ooh teśôr acsè a và bèṅ! Léva sù i tò bras in ària, adès squàs'i, ta m dà na raśòṅ par vìvar.»

(MUD)

John Robert Cocker (Sheffield, 20 ad Maǵ dal 1944), cgnusû méj cuma Joe Cocker, 'l è 'n cantànt ingléś. In dla sò caréra 'l à tgnû a drē a la mùśica soul, blues e pop.

Biugrafìa

Al taca la sò caréra in dla sò sità quànd al gh'iva quìnd'ś an. Al sò prim grup al s ciamàva Avengers (Vendicadōr) e al druàva al nóm ad Vance Arnold. In séguit al grup al càmbia in Big Blues (1963) e pò finalmènt in The Grease Band (1966). Al sò prim sìngul 'l è la cover di Beatles I'll Cry Instead e pò i rìvan dòp Marjorine e With a Little Help from My Friends 'n atra cover dal quartét ad Liverpool.

In dal 1969 al canta a Woodstock ma pò al sò sucès in dal Régn Unî al taca a 'ndàr śò. 'L al mùcia invéci in di Stat Unî cun i braṅ Cry Me a River, Feelin' Alright e The Letter, qvésta chè sunàda da 'l viṿ la riva in dla Top Ten americàna.

A la fiṅ di an Stanta la sò caréra la gh'à 'n taj anc par via di sò prubléma cun 'l alculìśum. Al tórna a la granda in dla mità di an Utànta faghénd na cover dla canta scrita par Randy Newman You Can Leave Your Hat On p'r al film spurcaciòṅ 9 settimane e ½. Al fà anc un duét cun la Jennifer Warnes p'r al braṅ Up Where We Belong dla culòna sunóra 'd Ufficiale e gentiluomo, vinsénd acsè al Prèmi Òscar.

In séguit al dà vita a di àtar pès ad sucès cuma Unchain my heart (Dascadéna al mè cōr), When The Night Comes (Quànd a riva la nòt), N'oubliez jamais (A n daśmindgàr mai) e un duét cun Eros Ramazzotti dal 1998, That's all I need to know (Qvést 'l è tut qvél ch'a gh'ò da savér).

Discugrafìa

Àlbum

1968 - With A Little Help From My Friends
1969 - Joe Cocker!
1973 - Something to Say
1974 - I Can Stand a Little Rain
1975 - Jamaica Say You Will
1976 - Stingray
1978 - Luxury You Can Afford
1982 - Sheffield Steel
1984 - Civilized Man
1986 - Cocker
1987 - Unchain My Heart
1989 - One Night Of Sin
1991 - Night Calls
1994 - Have A Little Faith
1995 - The Long Voyage Home
1996 - Organic
1997 - Across From Midnight
1999 - No Ordinary World
2002 - Respect Yourself
2004 - Heart & Soul
2004 - Heart
2007 - Hymn for My Soul
2010 - Hard Knocks
2012 - Fire it up

Racòlti

1971 - Cocker Happy
1977 - Greatest Hits
1992 - The Best Of Joe Cocker
1999 - The Anthology

Da 'l Viṿ

1970 - Mad Dogs & Englishmen
1990 - Joe Cocker Live

Culegamènt estéran

(EN) Al sò sit uficiàl