Pooyan
|
C'l artìcul chè 'l è scrit in
Miranduléś |
Pooyan (cgnusû in Giapòṅ cuma プーヤン, ch'al vōl dir Ninèṅ) 'l è 'n śōg vìddeo dal 1982 dla Konami. La prutagunìsta 'l è na nimàla ciamàda Mama ch'la gh'à da diféndar i sò latòṅ da di lóv catìṿ.
Règhli
In Pooyan a gh'è da culpìr, cun 'n arc e di bulśòṅ, di lóv ch'i s mōvan tacâ atàc a di palunsèṅ. A sparàr i sò cólp l'è na rója ch'la sa spòsta sù e śò par mèś 'd 'n asinsōr a cadéni manuvrâ da i sò ninèṅ ch'i faṅ giràr la śirèla. Da 'l cant suo i lóv i s diféndan tirànd di giaròṅ cóntar la Mama. Dal vòlti la ninéta la gh'à a dispuśisiòṅ anc na còsa rustìda ch'la pōl butàr-gh adòs par far fóra più bistiàsi in na vòlta sōla.
S'un lóv al gh la cava a far-la franca, al mónta in sìma a 'n àrbul par spìnśar śò un mas adòs a la rója che acsè la finìs spaplàda par tèra. Ma par far-gh-la, di lóv a gh in vōl soquànt.