Karaima lingvo
La Karaima lingvo (laŭ la dialekto de Krimeo: къарай тили, laŭ tiu de Trakai: karaj tili) estas tjurka lingvo kun hebreaj influoj, simile al la jida aŭ judhispana lingvoj ankaŭ tradicie parolataj de judoj. Ĝin parolas la karaimoj - etne judaj anoj de karaima judismo sur la krimea duoninsulo, en Litovio kaj okcidenta Ukrainio. Nuntempe restas nur proksimume 1000 aktivaj parolantoj. La tri ĉefaj dialektoj estas tiu de Krimeo, Trakai kaj Haliĉ. En Krimeo por skribi en la lingvo oni uzas cirilajn literojn, dum en Trakai estas uzata variaĵo de la latina alfabeto.
| Karaima lingvo | |
| natura lingvo • moderna lingvo | |
|---|---|
| Kipchak–Cuman • judaj lingvoj | |
| Parolata en | Krimeo, Litovio, okcidenta Ukrainio |
| Parolantoj | 80 |
| Skribo | hebrebaza alfabeto, latina alfabeto, cirila alfabeto, hebrea alfabeto |
| Lingvistika klasifiko | |
| Tjurka Kipĉaka | |
| Lingvaj kodoj | |
| Lingvaj kodoj | |
| ISO 639-3 | kdr |
| Glottolog | kara1464 |
| Angla nomo | Karaim |
| Franca nomo | karaïm |
La litova dialekto de la karaima lingvo estas parolata precipe en la urbo de Trakai. Dum parto de la mezepoko Trakai estis la ĉefurbo de Litovio, kaj krimeaj karaimoj estis dungitaj ĉi tie fare de la litova grandduko Vytautas dum la jaroj 1397 kaj 1398 por defendi la granddukan kastelon. Estas ŝanco ke la lingvo pretervivos en Trakai pro oficiala subteno de la litovaj instancoj, kaj pro la turisma altiro de la karaima kvartalo. Intertempe en Trakai ekzistas muzeo pri la karaima komunumo kaj pluraj karaimaj restoracioj. La lokaj karaimoj estas gravaj partoprenantoj de mezepokaj festoj de la urbo, kaj multaj diras ke la nova blazono de la urbo bildigas karaimon.
Vidu ankaŭ
redaktiEksteraj ligiloj
redakti- En la koro de Eŭropo endanĝerigita tjurka lingvo plu vivas, en retejo de Tutmondaj Voĉoj (Global Voices en Esperanto).