Minjo (Egiptio)

Ĝemelurboj
	Hildesheim (1979–) vd

Minjo
urbo ; urbego vd
	Blazono
Administrado
Ĝemelurboj
	Hildesheim (1979–) vd
Poŝtkodo	61111
Demografio
Loĝantaro	236 043 (2006) [+]
Geografio
Geografia situo	28° 5′ N, 30° 45′ O (mapo)28.08333333333330.75Koordinatoj: 28° 5′ N, 30° 45′ O (mapo) [+]
Alto	49 m [+]
Horzono	UTC+02:00 [+]
	Minjo (Egiptio)
	Situo de Minjo
Alia projekto
	Vikimedia Komunejo Minya [+]
	v • d • r

Minjo, laŭ egipta arabe المنيا, kopte ⲧⲙⲱⲛⲏ estas la ĉefurbo de la Provinco Minja en Egiptio.

Etimologio

La araba loknomo venas de la kopta lingvo, sed pli frue de la malnova greka μονή kun ĉirkaŭ signifo haltejo. Nuntempe loke oni ŝatas uzi la esprimon "Nova edzino de Supra Egiptio" pro ĝia strategia loko inter norda kaj suda partoj de lando.

Demografio

En Minjo loĝis 283 605 homoj en 2021.

Geografio

Minjo troviĝas en valo laŭ la maldekstra bordo de Nilo 49 metrojn super la marnivelo. Asjuto troviĝas 111, Beni Suefo 122, ĉefurbo Kairo 222, Luksoro 327 kilometrojn (aere) [1].

Historio

La areo de Minjo travivis prahistorian, antikvan egiptan, grekan-romian, bizancan kaj islaman epokojn.

Jam antaŭ Kristo 3100 la loko estis administra centro. En la 1970-aj jaroj apud la urbo oni malkovris koptan skribaĵon Evangelio laŭ Judaso.

Ekonomio

La ŝtata sektoro dominas en la industrio en Minjo kontrolante la plej grandan parton de la produktado. Inter la ŝtataj industrioj menciindas cementoj, kemiaĵoj, minado, sterkoj kaj agrikulturaj prilaboraĵoj. La privata sektoro estas aktiva en produktado de konsumvaroj, ekzemple nutraĵoj, meblaro, kaj metaloj kaj lignaĵoj. Kvankam la loko estas riĉa je historio, la turismo malgravas. En la 20-a jarcento dominis la kotonindustrio.

Religio

En Minjo ĉirkaŭ duono konsistas el koptaj kristanoj, la alia duono el islamanoj.

Edukado

En Minjo universitato funkcias.

Klimato

Minjo situas en arida klimato (BWh) laŭ la klimata klasifiko de Köppen. Jare pluvas nur 3 mm. La averaĝa jara temperaturo estas 22 °C kaj varias inter 14-30 °C. La varmo kulminas inter aprilo-oktobro, sed inter decembro-februaro foje frostas.

Trafiko

Minjo havas trairan fervojan linion laŭ la Nilo, same ĉefvojon. Ponto helpas la trafikon, krome loke flughaveno funkcias. Ekde la pratempo la Nilo estis navigebla.