Albanerpetontedoj
Albanerpetontedoj, aŭ laŭ la latina scienca nomo, Albanerpetontidae estas formortinta familio de supraĵe salamandrecaj lisamfibioj. Albanerpetontedoj inkludas kvar genrojn – nome Albanerpeton, Anoualerpeton, Celtedens, kaj Wesserpeton – kaj inter 10 kaj 20 konataj specioj, vivintaj antaŭ ĉirkaŭ 160 milionoj da jaroj el periodo Batonia de la meza Ĵurasio al la fino de la Plioceno, antaŭ ĉirkaŭ 2.5 milionoj da jaroj.[1] Albanerpetontedoj estis dumlonge konsiderataj salamandroj pro sia malgrando kaj ĝeneralaj korpoplanoj.[2] Tamen, tiuj trajtoj nun estas konsiderataj praaj por lisamfibioj kaj ne indikaj de proksimaj rilatoj inter ambaŭ grupoj. Unu el la trajtoj kiuj faras ilin diferencaj el salamandroj estas ke ties haŭto estis kovrita per ostecaj skvamoj.[3] Albanerpetontedoj estas nuntempe agnoskitaj kiel distinga klado de lisamfibioj separata el la tri vivantaj ordoj de amfibioj – nome Anura (ranoj), Caudata (salamandroj), kaj Gymnophiona (senkruruloj). Oni pensas ke ili estas pli proksime rilataj al ranoj kaj al salamandroj ol al senkruruloj.[4]
Referencoj
[redakti | redakti fonton]- ↑ Gardner, J.D.. (2008) Sankey, J.T.: Vertebrate Microfossil Assemblages: Their Role in Paleoecology and Paleobiogeography.. Indianapolis: Indiana University Press, p. 178–218.
- ↑ Duellman, W.E. & Trueb, L. (1994): Biology of amphibians. The Johns Hopkins University Press
- ↑ Wesserpeton evansae: making 'albanerpetontid' a household name
- ↑ (2001) “Monophyly and affinities of albanerpetontid amphibians (Temnospondyli; Lissamphibia)”, Zoological Journal of the Linnean Society 131 (3), p. 309–352. doi:10.1111/j.1096-3642.2001.tb02240.x.