Alina Freund
| Anna Freund | ||
|---|---|---|
 Anna Freund en la filmo Hexe Lilli - Der Drache und das Magische Buch, filmita en 2007
| ||
| Persona informo | ||
| Alina Freund | ||
| Naskiĝo | la 1-an de oktobro 1997 en en Munkeno, Germanio | |
| Lingvoj | germana vd | |
| Ŝtataneco | Germanio  vd
| |
| Profesio | ||
| Okupo | aktoro voĉaktoro filmaktoro vd
| |
| En TTT | Oficiala retejo vd | |
| vd | Fonto: Vikidatumoj | |
Alina Freund (naskiĝis la 1-an de oktobro 1997 en Munkeno, Germanio, do nun 27-jara; la nomo estas artistnomo - ĝis la jaro 2007 ŝi aktoris je la nomo Jana Tausendfreund) estas germana infana aktorino kaj germanlingva dublada parolistino.
Biografio
[redakti | redakti fonton]Jam en aĝo de 5 jaroj Alina Freund havis sian unuan rolon en la televida serio Richter Alexander Hold pri juraj procesoj. En decembro 2004 sekvis la unua rolo en granda televida filmo, per eta rolo en la filmo Der Bergpfarrer de la televida kanalo ZDF. Sekvis pluraj malgrandaj roloj en televidaj filmoj, kaj en 2008 ŝi per eta rolo en la produktaĵo Im Winter ein Jahr unuafoje videblis en kineja filmo.
En la porinfana kineja filmo Hexe Lilli – Der Drache und das Magische Buch, laŭ la serio de infanlibroj Hexe Lilli de la verkisto Knister, ŝi dum la filmada periodo de junio ĝis aŭgusto 2007 aktoris la rolon de la knabino Lilli kaj unuafoje havis ĉefan rolon en kineja filmo. La filmo publike kineje ekmontriĝis la 19-an de februaro 2009. La filmada periodo de la dua, daŭriga kineja filmo Hexe Lilli - Die Reise nach Mandolan okazis inter aŭgusto kaj oktobro 2009 en filmstudioj de la germania urbo Potsdam kaj en Barato, kaj tiu filmo publike kineje ekmontriĝis la 17-an de februaro 2011.
Alina Frend ludas fluton, laŭ retaj informoj komponas proprajn kanzonojn kaj regas diversajn sportajn disciplinojn.[1]
Premioj
[redakti | redakti fonton]- 2009: Premio "Goldener Spatz" ("Ora pasero") kiel plej bona nova aktoro pro la filmo Hexe Lilli - Der Drache und das Magische Buch
- 2009: Premio "Der weiße Elefant" ("la blanka elefanto") pro la filmo Hexe Lilli - Der Drache und das Magische Buch
Filmografio (elekto)
[redakti | redakti fonton]- 2004: Der Bergpfarrer
- 2005: Ausgerechnet Weihnachten
- 2005: Der Bergpfarrer 2 - Heimweh nach Hohenau
- 2007: Alma ermittelt - Tango und Tod
- 2007: Annas Alptraum kurz nach 6
- 2008: Im Winter ein Jahr
- 2009: Hexe Lilli – Der Drache und das Magische Buch
- 2009: Mein Nachbar, sein Dackel & ich
- 2009/2010: Der Alte (televida krimfilma serio, epizodaj roloj)
- 2010: Das zweite Wunder von Loch Ness
- 2011: Hexe Lilli - Die Reise nach Mandolan
Sinkronizaj roloj
[redakti | redakti fonton]- 2009: Santa Buddies – Auf der Suche nach Santa Pfote kiel Mini
- 2010: Ponyo - Das große Abenteuer am Meer kiel Ponyo
Eksteraj ligiloj
[redakti | redakti fonton]- Alina Freund ĉe Interreta filma datumbazo (angle)
- paĝo pri Alina Freund en retejo de ŝia artista agentejo Arkivigite je 2010-09-07 per la retarkivo Wayback Machine
Notoj
[redakti | redakti fonton]- ↑ informoj en la retejo cma-actors.de (germanlingve). Arkivita el la originalo je 2012-01-12. Alirita 2012-01-27.