Bavara Ŝtata Biblioteko
La Bavara Ŝtata Biblioteko (germane Bayerische Staatsbibliothek - BSB) estas la ĉefa deponejo de la Bavara Ŝtato ekde 1663. La biblioteko situas en la urbo Munkeno kaj enhavas pli ol 10 milionojn da libroj, fakto kiu faras ĝin unu el la plej grandaj kaj gravaj bibliotekoj en la mondo. Interalie, la biblioteko enhavas la plej grandan kolekton de Inkunabloj (libroj presitaj proksime de la invento de la presejo, antaŭ la jaro 1500) kaj grandan kaj gravan kolekton de antikvaj manuskriptoj. La biblioteko havas la due plej grandan kolekton de periodaĵoj en Eŭropo (post la Brita Biblioteko).
Historio
[redakti | redakti fonton]La biblioteko estis fondita en 1558 kiel la biblioteko de la palaco de Albrecht la 5-a, Duko de Bavario. La duko aĉetis privatajn kolektojn kiuj inkludis librojn kaj manuskriptojn en la kampoj de teologio, filozofio kaj juro kolektitaj en Italio, Hispanio kaj la malaltaj landoj, inter aliaj. Lia posteulo, Wilhelm la 5-a, Duko de Bavario, daŭre evoluigis la kolekton, kaj en 1600 la biblioteko inkludis 17,000 librojn. En 1663, Ferdinando Maria, princo de Bavario, iniciatis la leĝigon postulata deponi kopion en la biblioteko por ĉiuj publikaĵoj publikigitaj en sia teritorio.
En 1803 la biblioteko iĝis ŝtata biblioteko kaj estis kunfandita kun la Palaca Biblioteko de la Elekto-Palatinato, kiu inkludis pli ol duonmilionon da libroj kaj manuskriptoj. En tiu tempo la posedaĵo de preĝejoj kaj monaĥejoj estis naciigitaj, kaj iliaj trezoroj estis transdonitaj al la biblioteko.
La biblioteka konstruaĵo, kiu situas sur Ludwigstrasse, estis inaŭgurita en 1831. Antaŭe estis planoj konstrui ĝin apud la Gliptoteko Muzeo.
En 1970, la pligrandigita bibliotekkonstruaĵo estis inaŭgurita, post renovigadoj kaj pligrandigoj kiuj komenciĝis en 1953. En 1988, malproksima bibliotekstokejo estis inaŭgurita en la antaŭurbo Garching bei München.
En 1997, la biblioteko komencis grandskalan ciferecigan projekton, en kiu pli ol 2 milionoj da aĵoj liberaj de kopirajtoj estis alŝutitaj al la Interreto (aktuale de 2017). [2] En 2007, la deklarita kunlaboro kun Google Books por la prilaborado kaj cifereca distribuado de la materialo.
Serio de enketoj de la fruaj 2000-aj jaroj rivelis ke la biblioteko estis implikita en la aĉeto de antikvaj libroj kaj manuskriptoj prirabitaj fare de nazi-germanaj trupoj en la okupitaj teritorioj. Kelkaj estis resenditaj al siaj posedantoj. [3]
Ĉefaj kompetentecoj
[redakti | redakti fonton]- Antikva historio, inkluzive de prahistorio
- Klasikaj studoj, la latina, romia juro, bizanca
- Historio de Germanio, Aŭstrio, Svislando, Italio, Francio kaj Rumanio
- la rumana kaj albana lingvo kaj literaturo
- Moderna Grekio (Historio, Lingvo kaj Literaturo)
- Muzikologio
- Informadiko
Referencoj
[redakti | redakti fonton]- ↑ Die Bayerische Staatsbibliothek in Zahlen – 2020. BSB. Alirita 2021-04-29, en germana Vikipedio .
- ↑ https://www.digitale-sammlungen.de/
- ↑ https://www.km.bayern.de/pressemitteilung/9467/nr-119-vom-15-04-2015.html
