Bereto
Bereto estas ronda plata ĉapo el drapo, uzata origine de eŭskaj kampuloj kaj poste de diverslandaj laboristoj, militistoj, policistoj. Ĝi estas kapvesto farita el difinita ŝtofo. Dum la mezepokoj ĝi estis la kutima kapvesto de la iom pli bonhavuloj. Nuntempe ĝi estas ceremonia vestmaniero en kelkaj ekleziaj kaj universitataj rondoj.
La bereto, aŭ vaskoĉapo, estas la nacia kapvesto de Francio. En multaj armeoj la bereto estas uzata kiel kapvesto.
