Căuaș [kəŭaŝ] (hungare: Érkávás (erkavaŝ), germane: Kawesch) estas komunumo en Rumanio sudokcidente de Carei. En 1910 ĝi havis 905 loĝantojn (rumanoj, hungaroj), en 1992 1 029 (rumanoj, 6 % da hungaroj), kaj laŭ la stato de 2021 en la komunumo vivis 2 259 loĝantoj. Ĝia unua mencio skriba estas el 1215. Ĝis 1919 kaj inter 1940 kaj 1944 ĝi apartenis al Hungario (Szilágy vármegye)[1]. Administre apartenas al ĝi Ady Endre, Ghenci, Ghilești, Hotoan kaj Rădulești.
Tra Căuaș pasas la nacia vojo DN1F inter Carei kaj Tășnad. En Hotoan estas fervoja stacio; ĝi estas atingebla de la komunuma sidejo per la distrikta vojo DJ195C (4 km). Stacioj por neregionaj trajnoj estas en Carei kaj Tășnad.
En la censo de 2002, 1 389 el la 2 539 loĝantoj (54,7 %) deklaris sin etnaj rumanoj, 1 033 (40,7 %) hungaroj[2]. Tamen 1.257 (49,5 %) deklaris la hungaran sia precipa lingvo[2]. En Ghenci, la plej granda vilaĝo, hungaroj estas plimulto; en la sidejo Căuaș rumanoj (82,1 %). Rimarkinde estas, ke tie 28,3 % preferis la hungaran lingvon, kvankam nur 9,1 % deklaris sin hungaroj.
Rumanio
distrikto Satu Mare
Situo en la distrikto
Muzeo en Ady Endre
