Episkopuja administranto
Episkopuja administranto estas laŭ kanona juro kleriko, kiu dum la Vaka Seĝo de episkopujo ĝis reokupiĝo de la posteno administras la oficon.
La eklezia juro fiksas, ke en episkopujo ĉiam ekzistu ĉefa respondeculo. Dum vakeco de episkopa posteno la estrado de la episkopujo transiĝas tuj komence al la plej longe oficanta helpa episkopo, nome ĝis la enoficigo de episkopuja administranto. Se ne ekzistas helpepiskopo, la estrado transiĝas pretertempe sur konsultantaron.
Dum la tempo de la Reformacio plurfoje okazis ke sur la postenon de iu episkopo aŭ princepiskopo elektiĝis protestanto. Tiu estis neniel agnoskita de la katolika eklezio, sed havis la saman regpovon super la sekulara teritorio de la episkopujo (la princepiskopujo), kiel havus normala princepiskopo. Ankaŭ tiaj protestantaj regantoj ricevis la titolon "administranto".
En iuj aliaj okazoj oni elektis kandidaton al episkopeco kiu ja estis katolika sed ne ordinita, eble ĉar li plu intencis edziĝi, aŭ fariĝi sekulara reganto de iu apuda princlando. Ankaŭ tia kandidato, kiu ne povis oficiale fariĝi episkopo, povis porti la titolon "administranto".