Grand site de France

Emblemo por Grand site de France

Grand site de France (esperante Granda loko de Francio) estas oficiala franca marko, atribuita de ministerio pri Ekologio, daŭriva Evoluigo kaj Energio, kiu celas promocii bonan tenadon kaj valorigon de francaj klasitaj naturaj lokoj kun granda fameco kaj tre forta vizitado. Tiu reglamento estas integrita en Code de l’environnement ekde leĝo Grenelle 2 de la 12-a de julio 2010 enhavanta nacian engaĝo pri medio.

Kvankam oficialaj nomoj estas protektitaj per leĝo, kiu reglamentas ilian uzon, la nomo grand site de France estis tamen registrita en 2002 de la franca ministro (Roselyne Bachelot) kiel komerca marko ĉe INPI.

Tiu marko estas atribuata al loka organizaĵo komisiita pri konservado kaj valorigo por 6-jara renovigebla periodo, sed ĝi povas esti reprenita kaze de manko.

Reto de grandaj lokoj de Francio estas asocio, kiu arigas kaj organizaĵojn regantajn markitajn lokojn, kiuj solaj povas uzi la oficialan simbolon, kaj organizaĵojn agantajn por iutage meriti tiun markon.

Akiro de la marko

kodo pri medio (Art. L. 341-15-1 2), starigas kriteriojn por akiri la markon.

Unue, la loko devas montri karakterizaĵojn de granda loko, laŭ fameco, vizitado kaj protektado (klasado de signifika parto laŭ leĝo de 1930, pri naturaj monumentoj kaj lokoj).

Ĝi devas estis bonstata, restaŭrita se necesas kaj regata kun obeo al identeco de la loko kaj de la « spirito de la loko ». La reganto de la loko devas kombini akceptadon de vasta publiko, protekton de la pejzaĝo kaj biodiverseco, kaj certigi ekonomiajn kaj socialajn profitojn al la regiono, kie ĝi situas.

La marko "Grand Site de France" estas atribuata fine de procezo kun pluraj ŝtupoj. Unue, la prezidanto de la reganta strukturo faras oficialan peton al ministro pri ekologio, pere de la regiona prefekto. Poste, la kandidata dosierujo iras por opinio al departementa komisiono pri Naturo, Pejzaĝoj kaj Lokoj (CDNPS), poste al Supera Komisiono pri Lokoj, Pejzaĝoj (CSSPP). Tiam Reto de Grandaj Lokoj de Francio donas sian opinion. Fine, la marko estas atribuata per minsieria decido al la administra organizaĵo, kiu faris tiun peton. Tiu ĉi estas subskribita de la ministro komisiita pri lokoj kaj publikigita per Oficiala Bulteno pri Medio.

Nuntempa kreaĵo por simboli la valorojn de la marko

Écoutez le Monde (esperante Aŭskultu la mondon) estas artverko farita de skulptisto Bernard Dejonghe en 2005 post peto de Reto de Grandaj Lokoj de Francio. Tiu verko el masiva vitro simbolas la valorojn de tiu marko. La ĉeesto de tiu nuntempa skulptaĵo en la markitaj grandaj lokoj, kiel klarigas la artisto: "Tio estas por certigi nian estontecon transdonante nian historion, tio estas afero de niĉiuj, vizitantoj, loĝantoj…". Bernard Dejonghe precizigas ke " tiu objekto devis esti el vitro, kies pureco montras la kvaliton de la lokoj, ties fragilecon kaj malkaŝon de ilia regado".

Lokoj kun tiu marko

Ref #	Loko	Regiono	Koordinatoj	Bildo	Jaro	Ref.
01	Aven d'Orgnac	Rhône-Alpes	44° 18′ 47″ N 4° 25′ 21″ O (mapo)		2004
02	Monto Sainte-Victoire	Provence-Alpes-Côte d'Azur			2004

• Pinto de Raz en 2004
• Pont du Gard en 2004
• Opidumo de Bibracte sur Monto Beuvray en 2007
• Puy de Dôme en 2008
• Potevia Marĉo, en 2010
• Saint-Guilhem-le-Désert kaj Kanjono de Hérault, en 2010
• Loko de du kaboj (Kabo Gris-Nez / Kabo Blanc-Nez) en januaro 2011
• Golfo de Somme en 2011
• Masivo Canigou en 2012
• Puy Mary en decembro 2012
• Rokoj de Solutré kaj de Vergisson, sur la granda loko Solutré-Pouilly-Vergisson

Bibliografio

• Petit traité des Grands Sites, Réfléchir et agir sur les hauts lieux de notre patrimoine, kunordigita de Jean Pierre Thibault, Icomos France /Actes Sud, marton 2009
• Aliaj publikigaĵoj (Aktoj de Kunvenoj, ...) Arkivigite je 2012-05-22 per la retarkivo Wayback Machine

Vidu ankaŭ

Vidu ankaŭ

• Reto de grandaj lokoj de Francio