Hegyfalu
Hegyfalu [hedjfalu] estas malgranda vilaĝo en Hungario en regiono Okcidenta Transdanubio, en departemento Vas (Hungario), en Distrikto Sárvár. La loknomo signifas laŭvorte hungare: monto-vilaĝo.
Bazaj informoj
[redakti | redakti fonton]- Poŝtkodo: 9631
- Telefonkodo:
- Areo: 12 km²
- Loĝantaro: 790
Situo
[redakti | redakti fonton]Hegyfalu situas laŭvoje kaj laŭfervoje inter Szombathely kaj Győr, krome estas alia ĉefvojo inter Sopron kaj Balatono. Sárvár troviĝas 15, Csepreg 18, Szombathely 27, Kőszeg 33, Budapeŝto 198 km.
Historio
[redakti | redakti fonton]La unua mencio okazis en 1337, sed arkeologia restaĵo estas el la pli frua(j) jarcento(j). Kelkaj konjektas, ke tie mortis Béla la 1-a (Hungario) en 1063.
Vidindaĵoj
[redakti | redakti fonton]La fortresopreĝejo konstruiĝis en la 15-a jarcento. Nun restis nur ruinoj. La katolika klasikisma preĝejo konstruiĝis komence de la 19-a jarcento. Verŝajne tiam konstruiĝis ankaŭ la Kastelo de Hegyfalu aŭ Kastelo de Széchenyi [seĉenji]. Estas menciinda la parko ĉirkaŭ la kastelo.