Johana de Kastilio

Johana de Kastilio
Reĝino de Kastilio kaj Leono
Regado	kune kun Filipo la 1-a 1504 - 1506
Antaŭulo	Izabela la 1-a
Sekvanto	Karlo la 1-a
Persona informo
Juana I la Loca Joana la Boja
Naskiĝo	6-an de novembro 1479 (1479-11-06) en Toledo
Morto	12-an de aprilo 1555 (1555-04-12) (75-jaraĝa) en Tordesillas
Tombo	Reĝa Kapelo de Granado vd
Religio	katolika eklezio vd
Lingvoj	hispana • franca • latina vd
Ŝtataneco	Hispanio vd
Familio
Dinastio	Dinastio de Trastamaro vd
Patro	Fernando la 2-a de Aragono vd
Patrino	Isabel la 1-a vd
Gefratoj	Isabel de Hispanio, Johano de Aragono kaj Kastilio, Maria de Hispanio, Katerino de Aragono, Alonso de Aragón (en) , Johano de Aragono kaj Alonso de Estrada (en) vd
Edz(in)o	Filipo la 1-a
Infanoj	Eleonoro de Habsburgo, Maria de Aŭstrio, Katarina de Kastilio, Ferdinando la 1-a, Karlo la 5-a, Izabela de Aŭstrio, Rietje Koane (en) vd
Parencoj	Henriko la 8-a (bofrato) vd
Profesio
Okupo	monarko vd
Postenoj Postenoj reĝo de Sardio (1516–1555) monarko de Kastilio kaj Leono (1504–1555) vd
vd	Fonto: Vikidatumoj

Johana de Kastilio, nomata Johana la Freneza, hispane Juana la loca (naskiĝis la 14-an de novembro 1479 en Toledo, mortis la 12-an de aprilo 1555 en Tordesillas) estis de 1504 ĝis sia morto reĝino de Kastilio. Ŝi estis la filino de la "Katolikaj Gereĝoj" Izabela de Kastilio (1451-1504) kaj Ferdinando la 2-a de Aragono (1452-1516).

Post la morto de ŝia patrino Izabela en 1504, Johana heredis la tronon de Kastilio-Leono kaj regis kune kun sia edzo Filipo la 1-a, nomata "Filipo la Bela", de Habsburgo, sed estis tiu kiu fakte regis profitante la mensan malforton de la reĝino. Tamen tio daŭris nur kvin monatojn, ĉar Filipo mortis.

Filipo mortis mem nur du jarojn post tio, kaj Johana, kiu laŭdire jam de junaĝo estis ege serioza kaj pezhumora, fariĝis tiel mense malsana ke oni konsideris ŝin ne regkapabla. Anstataŭ ŝi regis ŝia patro, Ferdinando la 2-a, ĝis sia morto en 1516, kaj post li ŝia filo Karolo la 1-a, ankaŭ konata kiel imperiestro Karolo la 5-a de la Sankta Romia Imperio.

Johana neniam reedziniĝis. Ŝi mortis soleca en la tiutempe nekutime alta aĝo de 75 jaroj.

Juana la Loca (Johana la Freneza) estas hispana filmo reĝisorita de Vicente Aranda, bazita sur la historio pri amo, ĵaluzo kaj politikaj konfliktoj ĉe la reĝino Johana la 1-a de Kastilio, kaj la reĝedzo Filipo la Bela. La filmo ricevis premiojn kaj famigis ĉefe la ĉefan aktorinon Pilar López de Ayala.

Idoj

Johana kaj Filipo havis jenajn gefilojn, inter ili du postajn imperiestrojn:

• Eleonora, 1498-1558, edzino de Emanuelo la 1-a de Portugalio (1469-1521)
• Karolo la 5-a, 1500-1558, imperiestro de la Sankta Romia Imperio
• Izabela, 1501-1526, edzino de reĝo Kristiano la 2-a de Danio (1481-1559)
• Ferdinando la 1-a, 1503-1564, imperiestro de la Sankta Romia Imperio
• Maria, 1505-1558, edzino de reĝo Ludoviko de Bohemio kaj Hungario
• Katarina, 1507-1578, edzino de reĝo Johano la 3-a de Portugalio (1502-1557)