Kananaskis
| Kananaskis | ||
|---|---|---|
| Regiona parko | ||
   | ||
| Improvement Districts of Alberta [+] | ||
| Lando | Kanado | |
| Regiono | Alberto | |
| Koordinatoj | 50° 36′ 0″ N, 114° 54′ 0″ U (mapo)50.6-114.9Koordinatoj: 50° 36′ 0″ N, 114° 54′ 0″ U (mapo) [+] | |
| Akvokolektejo | 4 213,95 km² (421 395 ha) [+] | |
| Areo | 4 213,95 km² (421 395 ha) [+] | |
| Loĝantaro | 221 [+] (2016) | |
| Denseco | 0,05 loĝ./km² [+] [+] | |
|
||
  |
||
 |
||
| Kananaskis | ||
 Vikimedia Komunejo: Kananaskis [+] |
||
| En TTT: Oficiala retejo [+] | ||
Kananaskis estas pliboniga distrikto (speco de administra unuo) situanta okcidente de Kalgario (Alberto) en la antaŭmontetoj kaj unuaj montoj de la kanada Rok-Montaro.
Ene de la pliboniga distrikto estas Parktereno Kananaskis, 4.211-kvadratkilometra tereno kun mirinda pejzaĝo de montoj kaj antaŭmontetoj.
Distriĝo kaj turismo
[redakti | redakti fonton]Ĝuste pro distriĝo kaj turismo famas Parktereno Kananaskis. Inter la instalaĵoj por distriĝo en Kananaskis estas pluraj tendumejoj, golf-ludejo, kelkaj hoteloj, feria ranĉo, du montaj skiejoj (Nakiska, kiu gastigis konkursojn en monta skiado kaj liberstila mogul-skiado dum la Vintraj Olimpikoj de 1988, kaj Fortikaĵa Monto), kaj konkurs-nivela tereno por skikurado (la Nordia Centro de Canmore), kiun la publiko povas uzi. Ĝuste ĉe la Nordia Centro de Canmore oni okazigis la trans-grundajn ski-konkursojn dum la Vintraj Olimpikoj de 1988. La plej granda parto de la instalaĵoj estas en Provinca Parko Peter Lougheed kaj laŭ la koridoro de ŝoseo 40 kiu kuŝas paralele al la Rivero Kananaskis. En Kananaskis estas multaj kilometroj da voj(et)oj por migrado, skikurado, kaj ĉeval-rajdado. Inter la aliaj aktivecoj popularaj en Kananaskis estas monto-biciklado, grimpado, ĉasado, kaj fiŝkaptado.
Parkoj
[redakti | redakti fonton]
Pluraj parkoj kaj unu ekologia rezervejo troviĝas ene de Kananaskis. Inter ili estas:
- Sovaĝa Provinca Parko Bluerock
- Provinca Parko de Valo Bow
- Sovaĝa Provinca Parko de la Valo Bow
- Provinca Parko Bragg Creek
- Provinca Parko de Nordia Centro de Canmore
- Sovaĝa Provinca Parko Don Getty
- Sovaĝa Provinca Parko Elbow-Sheep
- Provinca Parko Peter Lougheed
- Ekologia Rezervejo de Monto Plateau
- Ŝaf-Rivera Provinca Parko
- Provinca Parko de Valo Spray
Inter la specialaj terenoj ene de Parktereno Kananaskis kiuj ne estas formale difinitaj kiel parkoj aŭ ekologiaj rezervejoj estas la Regiono de Valo Bow, la Valo de la Rivero Elbow, Provinca Distriĝ-Tereno Evan-Thomas, la Regiono Highwood/Cataract, Provinca Distriĝ-Tereno Sentinel, Provinca Distriĝ-Tereno Stoney Creek, Provinca Distriĝ-Tereno Strawberry kaj la Regiono Sibbald (Provinca Distriĝ-Tereno de Lago Sibbald, Provinca Distriĝ-Tereno de la Lageto de Kampoj Sibbald).
Administrado
[redakti | redakti fonton]Je provinca nivelo oni administras Parkterenon Kananaskis depost 1945 kiel Plibonigan Distrikton 5 (Kananaskis)[1]. Ĝin kreis la Ministerio pri Municipaj Aferoj, branĉo de la Registaro de Alberto por multfunkciado uzado: por forstado, rikoltado de gazo kaj nafto, paŝtado de brutoj, distriĝo, kaj turismo. Oni planas ĉiujn aktivecojn kaj kreas instalaĵojn donante prioritaton al protektado de la akvokolektaj areoj.
Demografio
[redakti | redakti fonton]Neniu korporaciiĝinta komunumo troviĝas en Kananaskis. En 2001 la pliboniga distrikto Kananaskis havis 462 loĝantojn en 210 konstruaĵoj dise lokitaj en areo de 4.211,22 km², denseco de 0,1 loĝantoj/km².
- Fonto: Kanada Instituto pri Statistiko Censo de 2001 [2]
Galerio
[redakti | redakti fonton]-
Elrigardo de Vilaĝo Kananaskis -
Parktereno Kananaskis -
Trans-grunda skiado en Kananaskis -
Lago Barrier
Bagatelaĵoj
[redakti | redakti fonton]- En junio 2002 ĉi tiu regiono gastigis la 28-an landestran konferencon de la G8.
- Oni uzis Parkterenon Kananaskis por la filmado de documentigaj filmoj.
Vidu ankaŭ
[redakti | redakti fonton]Referencoj
[redakti | redakti fonton]- ↑ Pliboniga Distrikto Kananaskis Arkivigite je 2006-10-05 per la retarkivo Wayback Machine - Alberta Ministerio pri Municipaj Aferoj
- ↑ Kananaskis Community Profile[rompita ligilo] - Kanada Instituto pri Statistiko. 2002. 2001 Profiloj de Komunumoj. Publikigita la 27-an de junio 2002. Laste modifita: 2005-11-30. Katalogo de la Kanada Instituto de Statistiko n-ro 93F0053XIE
Eksteraj ligiloj
[redakti | redakti fonton]- Kananaskis Country Arkivigite je 2007-06-02 per la retarkivo Wayback Machine
|
Nacia Parko Banff | MD 8 Bighorn | IR 142/143/144 Stoney MD 44 Rocky View |
|
| Parko Altaĵoj de la Rok-Montaro (BC) |
|
MD 31 Foothills | ||
| Parko de Lagoj Elk (BC) | MD 66 Ranchland |
| ||||||||||
