Manche

Manche
departemento de Francio
Administrado
Lando	Francio
Regiono	Normandio
Numero	50
Prefektejo	Saint-Lô
Subprefektejoj	Avranches; Cherbourg-en-Cotentin; Coutances
Prezidanto de la; departementa konsilio	Philippe Bas
Prefekto	Jacques Witkowski
Statistikaĵoj
Loĝantaro	495 508 (2021)
Areo	5 938 km²
Loĝdenso	83 /km²
Subdividoj
Arondismentoj	4
Kantonoj	27
Komunumaroj	26
Komunumoj	516
	v • d • r

Manche [mɑ̃ːʃ], en Esperanto Maniko,^[1] situanta borde de la france samnoma Manika Markolo, estas franca departemento de la regiono Normandio. Ĝia prefekta urbo estas Saint-Lô. Tie troviĝas Monto Sankta Mikaelo.

La departemento enhavas 602 komunumojn.

Geografio

Manche estas parto de la regiono Normandio. Ĝi estas lima de la departementoj Calvados nordoriente, Orne oriente, Mayenne sudoriente kaj Ille-et-Vilaine sudokcidente. La norda parto nomiĝas Cotentin. Ĉirkaŭ la departemento, okcidente, norde kaj nordoriente, estas la maro La Manche (pli konata per la nomo Manika Markolo) je bordolongo de 350 km.

Rilate al geologio la departemento apartenas al la Armorika Montaro.

Arondismentoj

La departemento dividiĝas al kvar arondismentoj:

Historio

La departemento estis kreita dum la Franca Revolucio, je la 4-a de marto 1790, per apliko de la leĝo de la 22a de decembro 1789, el parto de la provinco de Normandio. Ĝia ĉefurbo estis komence Coutances, sed estas Saint-Lô ekde 1796. Post la Dua Mondmilito, Coutances fariĝis la centro de la departemento (prefektejo), ĉar Saint-Lô estis preskaŭ komplete detruita. Sed tio ŝanĝiĝis, kiam Saint-Lô estis rekonstruita.