Piednoto
Piednoto estas noto (mallonga teksto) metita je la subo de paĝo en libro aŭ artikolo. La noto rimarkas pri, kaj/aŭ citas fontindikon por, subparton de la tuta teksto. Plej ofte, oni markas piednoton pere de superigita numero post la porcio de la teksto pri kiu la piednoto traktas: 1 por la unua en la paĝo aŭ ĉapitro, 2 por la dua, ktp. Alimaniere, oni uzus numerojn inter krampoj ([1], [2], ktp); aŭ (se la piednotoj estos malmultaj) specialajn markojn kiel la steleto (*) aŭ ponard-markon (†).