Pirelli
Pirelli | ||
---|---|---|
![]() | ||
![]() | ||
tire manufacturer • negoco • publika kompanio vd | ||
Dum | 28-a de januaro 1872 - nekonata/nuntempe | |
Jura formo | società per azioni | |
Fondintoj | Giovanni Battista Alberto Pirelli vd | |
Sidejo | Milano | |
Lando | Italio | |
Estr(ar)o | Marco Tronchetti Provera | |
Dungitoj | 30 198 (stato: 31-a de decembro 2017) | |
Agokampo | pneŭo • maŝino • motorciklo • biciklo | |
ISIN-kodo | IT0005278236 | |
Posedata de | ChemChina • Marco Tronchetti Provera vd | |
filiaj kompanioj | Pirelli (Germany) • Pirelli Tyre • Gruppo Sportivo Pirelli • Superga • Biblioteca tecnico scientifica Pirelli • Pirelli Holding • Compagnie Internationale Pirelli vd | |
Posedataj kompanioj | Mediobanca • RCS MediaGroup • Cefriel • POLIMI Graduate School of Management • Consorzio Milano Ricerche • Inter Milano • European Institute of Oncology • ECA International • Eurostazioni vd | |
TTT | Oficiala retejo | |
Pirelli estas transnacia firmao specialigita en la produktado de pneŭoj, kun sidejo en Milano, Italio. La akcioj de la firmao estas listigitaj por komerco en la Milana Borso ekde 1922 [1], ĝi estas la 7-a plej granda pneŭfabrikisto en la mondo [2], kaj temigas la produktadon kaj merkatigon de pneŭoj por aŭtoj, motorcikloj kaj bicikloj. La kompanio funkcias en pli ol 160 landoj [3]. Ĝi havas 19 produktejojn en 13 landoj kaj reton de proksimume 14,600 distribuistoj kaj podetalistoj [4]. En 2015, ChemChina, ŝtata entrepreno posedata de Ĉinio, akiris kontrolon de Pirelli.
Pirelli nun estas strikte firmao pri pneŭoj. Sed en la pasinteco ĝi ankaŭ okupiĝis pri modo, en produktado de elektraj kabloj kaj komunikadaj kabloj, en renovigebla energio kaj nemoveblaĵoj.
La 4-an de oktobro 2017, Pirelli-akcioj revenis al komerco en la Milana Borso, post kiam la firmao koncentriĝis pri produktado de pneŭoj de konsumantoj, aŭtomobiloj, motorcikloj kaj bicikloj, kaj apartigis sian industrian pneŭokomercon en apartan kompanion [5][6].
La kalendaro de Pirelli, komencis esti publikigita en 1964, kun fotoj de modeloj prenitaj de famkonataj fotistoj.
Pirelli estis implikita en motorsportaj konkursoj ekde 1907 kaj estis la ekskluziva pneŭprovizanto de diversaj konkursoj, inkluzive de Formulo 1- konkursoj [7].
Historio
[redakti | redakti fonton]Pirelli estis fondita en 1872 fare de Giovanni Battista Pirelli. De kiam ĝi estis fondita, la kompanio specialiĝis pri produktado de kaŭĉukaj produktoj kaj tra la jaroj ankaŭ okupiĝis pri aliaj kampoj, sed la plej granda parto de sia agado estis dediĉita al la produktado de pneŭoj.
En 1879 filio nomita Pirelli Cavi e Sistemi estis establita por fari kablojn kaj en 1881 ĝi gajnis kontrakton por produkti submarajn telegrafkablojn por la itala militistaro.
En 1922, la firmao estis listigita sur la Milana Borso sub la nomo Pirelli & C, kiu poste funkciigis kiel holdingo por aliaj firmaoj kun larĝa gamo de agadoj. Mallonga tempo poste, la firmao ankaŭ estis listigita por komerco sur la akciborso de Novjorko, kaj estis la unua itala firmao kies akcioj estis komercitaj en Usono.
En 1958, la firmao inaŭguris la Pirelli Turon en la grandurbo, kiu gastigis la oficejojn de la firmao en la loko kie la unua produktadfabriko staris en la 19-a jarcento. Ĝi estis la plej alta konstruaĵo en Italio en la tempo de ĝia inaŭguro [8].
En 1974, la firmao inventis la larĝan radialan pneŭon, laŭ peto de la Lancia Rally- teamo. Ĝis tiu tempo radialaj pneŭoj estis tre mallarĝaj, kaj larĝaj pneŭoj estis fabrikitaj nur per la diagonala metodo.
En 1991, Marco Tronchetti Provera estis nomumita ĉefoficisto, li aliĝis al la firmao en 1978, post geedziĝado de kun Cecilia Pirelli, filino de Leopoldo Pirelli (nepo de la fondinto de la firmao), kiu estis la prezidanto de Pirelli tiutempe. Kiel ĉefoficisto, li sukcesis plibonigi la efikecon de la firmao, per la vendo de malprofitaj agadoj, tranĉante la laborforton je kvarono kaj ŝanĝante al la agadoj de sofistikaj pneŭoj kaj kabloj, inkluzive de la evoluo de optika fibro-kablo-aktiveco. En 1994, Pirelli iĝis la unua firmao se temas pri evoluigi teknologion kiu plifortigas la forton de la signaloj pasantaj super la optikaj fibroj, kiuj formas la spinon de la Interreto. En 1999, Cisco aĉetis la optikkablokomercon de Pirelli por 2,15 miliardoj USD, kaj aĉetis por 100 milionoj USD, 10% investo en la du sekcioj kiuj evoluigas komponentojn por altrapidaj retejoj [9].
En la 1990-aj jaroj, filio estis establita, kiu okupiĝis pri nemoveblaĵoj kaj konstruaĵadministradservoj.La nemoveblaĵo-dividado de la grupo estis akciofertita en junio 2002, kun merkata valoro de ĉirkaŭ unu miliardo da eŭroj.
En 1998, la firmao establis novan fabrikon en Brazilo kun investo de 180 milionoj da dolaroj.
En septembro 2000, Corning, la plej granda produktanto de la monda de optikaj fibroj kabloj, aĉetis la optikajn komponentsekcion de Pirelli por 3.6 miliardoj USD. En decembro 2000, la kabloproduktadsekcio de Pirelli estis apartigita de la sistemdividaĵo. Tiu ĉi divido estis vendita al la investa banko Goldman Sachs, kontraŭ 1,7 miliardoj da dolaroj en 2005 [10].
En julio 2001, Pirelli akiris kontrolon de la komputilentrepreno Olivetti, kiu estis la kontrola posedanto de la nacia telekomunika firmao de Italio - Telecom Italia. Du monatojn poste, oni provis kunfandi la tri firmaojn en unu. En majo 2003, Telecom Italia kaj Olivetti kunfandiĝis. Pirelli vendis ĝiajn akciojn en la kunfandita firmao en 2007.
En 2002 komenciĝis la produktado de vestaĵoj, horloĝoj kaj okulvitroj sub la marko Pirelli [11].
En marto 2015, la kompanio "ChemChina" aĉetis "Pirelli" kontraŭ 7,1 miliardoj da eŭroj [12].
Referencoj
[redakti | redakti fonton]- ↑ Pirelli Company Profile. Borsa Italiana. Arkivita el la originalo je 1 March 2014. Alirita 21 February 2013. Arkivigite je 2014-03-01 per la retarkivo Wayback Machine
- ↑ "Largest Tire Manufacturers in the World", Car logos, 30 April 2020. (en-GB)
- ↑ Pirelli – About us. Arkivita el la originalo je 26 June 2017. Alirita 29 June 2017.
- ↑ Pirelli Company Presentation. Pirelli. Arkivita el la originalo je 18 May 2018. Alirita 18 May 2018.
- ↑ Anzolin, Elisa, "Share price fall deflates Pirelli's market comeback", U.K.. (en-GB)
- ↑ "Pirelli separates from industrial tires unit to become "pure consumer tire company" – European Rubber Journal", European Rubber Journal, 4 April 2017. (en-US) Arkivigite je 2018-02-27 per la retarkivo Wayback Machine
- ↑ Pirelli supply wsbk tyres. Yahoo sport. Arkivita el la originalo je 29 October 2013. Alirita 21 February 2013.
- ↑ Terranova, Antonino. (2003) Skyscrapers (en,it). Vercelli: White Star. ISBN 88-8095-230-7.
- ↑ "Cisco taps Pirelli for optical technology", CNET. (angle)
- ↑ Goldman Sachs buys Pirelli Cables for €1.3bn. Arkivita el la originalo je 5 August 2017. Alirita 31 May 2017.
- ↑ Industrial Product Design - PIRELLI PZero: Industrial Design Project For Clothing. Arkivita el la originalo je 10 March 2014. Alirita 5 March 2014.
- ↑ "ChemChina makes €7.1bn bid for Pirelli", The Guardian, 23 March 2015.
Eksteraj ligiloj
[redakti | redakti fonton]- Oficiala retejo
- Yahoo! Pirelli & C. S.p.A Firmaa Profilo