Porta Westfalica

Ĝemelurboj
	Demmin • Waterloo • Friedrichshain-Kreuzberg vd

	Porta Westfalica
Porta Westfalica (Germanio)
mezgranda distrikta urbo • urba komunumo de Germanio
Ĝemelurboj
	Demmin • Waterloo • Friedrichshain-Kreuzberg vd
Administrado
Federacia lando	Nordrejn-Vestfalio
Distriktaro	Distriktaro Detmold
Distrikto	Distrikto Minden-Lübbecke
Urborajtoj	Urbo (Stadt)
Poŝtkodo	32457
Aŭtomobila kodo	MI
Oficiala Municipokodo	05770032
Politiko
Komunumestro	Stephan Böhme
Partio de komunumestro	SPD
Adreso de la administrejo	Kempstraße 1
Demografio
Loĝantaro	36374 (stato 2022-12-31) [fonto: landa statistika oficejo]
Geografio
Geografia situo	52° 14′ N, 8° 55′ O (mapo)52.24018.9213722222222Koordinatoj: 52° 14′ N, 8° 55′ O (mapo)
Alto super la marnivelo	303 m
Areo	105 km²
Oficiala retejo	https://www.portawestfalica.de/
	v • d • r

Porta Westfalica estas urba komunumo en Germanio. Ĝi troviĝas en la distrikto Minden-Lübbecke de la federacia lando Nordrejn-Vestfalio. Fine de decembro 2022 la urbo havis 36 374 loĝantojn sur areo de 105,22 kvadrataj kilometroj, kio rezultigas loĝdenson de 345 loĝantoj/km². La teritorio limas al la sekvaj komunumoj: En la okcidento al la urbo Bad Oeynhausen, en la nordo al la urbo Minden (ambaŭ en la distrikto Minden-Lübbecke, Nordrejn-Vestfalio). En la nordo, oriento kaj sudoriento ĝi limas al la urboj Bückeburg kaj Rinteln en la distrikto Schaumburg de Malsupra Saksio, kaj en la sudokcidento al la urbo Vlotho en la distrikto Herford kaj sude al Kalletal en la distrikto Lippe (ambaŭ en Nordrejn-Vestfalio).

La latinlingva nomo Porta Westfalica, do "pordego de Vestfalio", origine aludas al la geologia fakto, ke ĉi tie venante de nordo el la nordgermana ebenaĵo suden al la regiono Vestfalio mezepokaj vojaĝantoj perceptis ke subite la vojo tre "mallarĝiĝas", ĉar de tie suden ambaŭflanke de la valo de la rivero Weser altiĝas mezaltaj montoj kaj montaroj (vidu la maldekstran foton sube). En la 19-a jarcento oni ĝis la jaro 1896 tie starigis imponan monumenton memorige pri la Germana Imperiestra Regno, kiu estis nacia ŝtato nur fondita komence de 1871 kaj do tiam nur 25 jarojn aĝa - evidente la civitanoj kiuj donacis la monumenton sentis bezonon klare vidigi en kiu ŝtato ili nun vivas. 22 jarojn pli poste, fine de 1918, la ŝtato jam estis historio, sed la konstruaĵo daŭre memorigas pri la 48 jaroj de la feŭdisma ŝtato.

Esperanto-movade en la regiono aparte gravas la grupo "La Ratkaptista Bando", kiu kunvenas regule ĉiun duan semajnon en kultura centro de la urbo Hameln 25 kilometrojn sudoriente de la komunuma limo de Porta Westfalica kaj havas sian administran adreson en la iom pli proksima komunumo Hessisch Oldendorf 15 kilometrojn sudoriente. Fine de septembro 2021 la esperantista renkontiĝo 18-a Rata Rendevuo okazis rekte en Porta Westfalica.^[1]