Preskribismo (lingvoscienco)
Preskribismo, ankaŭ konata en diversaj lingvoj kiel norma gramatiko, estas la praktiko preferi kaj preskribi apartan formon de unu lingvo kiel pli bona ol alia aŭ aliaj. La penso estas, ke iu lingva formo devas esti norma.
Celoj
[redakti | redakti fonton]La celo de preskribismo estas krei norman lingvon. Tio povus rilati lingvotavolon, vortotrezoron, morfologion aŭ sintakson. Ekzemple oni povus anstataŭigi unu vorton per alia, ĉar la unua havas negativan, eĉ rasisman, kromsignifon, sed ankaŭ estas eble, ke iu volas purigi lingvon for de fremdaj partoj.