Strikoturno

Kiel legi la taksonomion Strikoturno
Strikoturno
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Kokoformaj Galliformes Familio: Odontoforedoj Odontophoridae Genro: Philortyx Specio: Ph. fasciatus
Dunomo
Philortyx fasciatus (Gould, 1844)
Konserva statuso
Konserva statuso: Malplej zorgiga
Aliaj Vikimediaj projektoj

La Strikoturno (Philortyx fasciatus) estas specio de birdo de la familio de Odontoforedoj aŭ Amerikaj koturnoj. Ĝi estas la ununura specio de sia genro (monotipa) kaj troviĝas kiel endemio nur en Meksiko.

Ties natura habitato estas subtropikaj aŭ tropikaj sekaj arbaroj, subtropikaj aŭ tropikaj sekaj arbustaroj, altaltituda arbustaro, kaj tre degraditaj iamaj praarbaroj.

Ĝi estas iom pli malgranda ol la Virginia koturno. Ĝi facile distingeblas el aliaj similaj specioj pro tre malhelbruna kaj rigida kresto kiu eliras el ruĝecbruna frunto: la vizaĝo estas grizbruna kaj tre kontrasta kun la blanka gorĝareo. La supra brusto estas helbruna kun tre markata horizontala strieco, kiu iĝas eĉ multe pli markata en la resto de subaj partoj kun nigraj horizontalaj strioj sur blanka fono: en flankoj la nigraj strioj plilarĝiĝas kaj estas pli markataj, dum en la centro de la brusto inverse kaj la blanka koloro hegemonias. La beko estas malhelgriza kaj tre dika baze.

Ĝi estas kaŝema specio, rapida fluganta birdo kiu tendencas eksplodi el oniaj piedoj, foje en aroj de 20 al 30 individuoj.

Referencoj

• BirdLife International 2004. Philortyx fasciatus Arkivigite je 2008-09-26 per la retarkivo Wayback Machine. 2006 IUCN Ruĝa Listo de Minacataj Specioj. Konsultita la 10an de julio 2007.