Erna Berger
Erna Berger (Cossebaude, Dresdenetik hurbil, Alemania, 1900eko urriaren 19a - Essen, Alemania, 1990eko ekainaren 14a) alemaniar sopranoa izan zen.
Erna Berger | |
---|---|
![]() (2016) | |
Bizitza | |
Jaiotza | Dresden, 1900eko urriaren 19a |
Herrialdea | ![]() |
Heriotza | Essen, 1990eko ekainaren 14a (89 urte) |
Hobiratze lekua | Vienna Central Cemetery (en) ![]() |
Hezkuntza | |
Hizkuntzak | alemana |
Jarduerak | |
Jarduerak | opera abeslaria, unibertsitateko irakaslea eta aktorea |
Enplegatzailea(k) | Hochschule für Musik und Theater Hamburg (en) ![]() Metropolitan Opera Berlin State Opera (en) ![]() |
Jasotako sariak | |
Ahots mota | koloratura-sopranoa |
Fach | Soubrette (en) ![]() koloratura-sopranoa |
Musika instrumentua | ahotsa |
![]() ![]() ![]() ![]() ![]() ![]() ![]() ![]() |
Biografia
aldatuKantuan hasi aurretik, pianoa ikasi zuen. Debuta Dresdeneko Staatsoperren egin zuen, Fritz Busch zuzendari zuela, 1925ean (Xirula miragarria laneko lehenengo mutila).
Hoffmannen Ipuinak laneko Olinpia ere kantatu zuen. 1928an, Richard Straussen Egiptoko Helena lanean parte hartu zuen, eta 1929an, Han Pfitzneren Christelflein kantatu zuen, Berlingo Städtische Operan. Opera horretako taldeko kide izan zen, 1932tik 1934ra bitartean. Bayreutheko Jaialdian parte hartu zuen, Arturo Toscanini zuzendari zuela, Parsifal laneko lehenengo neska-lorearekin eta Siegfriedeko basoko txoriarekin (1933), eta baita Salzburgokoan ere (1932).
1932. urtetik aurrera, lieda landu zuen, batez ere, Michael Raucheisen piano-jotzailearekin. 1934an Berlingo Staatsoper operara deitu zuten, eta bertan hogei urtez aritu zen lanean.
1937tik 1938ra bitartean, Gaueko erregina izan zen Berlingo Orkestra Filarmonikoak egindako Xirula miragarrian, Thomas Beecham zuzendari zuela. Parisen, Champs-Éliséeseko Antzokian (1937) lehenbizi, eta ondoren, Parisko Operan (1941) kantatu zuen. Hainbat kontzertu eman zituen Ipar eta Hego Ameriketan (1946-1953), Australian (1948) eta Japonian (1953). 1949an New Yorkeko Metropolitan operan debutatu zuen.
1955ean obra lirikoak utzi, eta liedetara eta irakaskuntzara jo zuen. Bergerrek oso soprano-ahots berezia zuen: nota altuetara ziurtasun osoz iritsi zitekeen, ezti-ezti eta aldi berean indartsu.
Erreferentziak
aldatu- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.